სირიის სამხედროებმა განაცხადეს, რომ ხუთი ადამიანი დაიღუპა დამასკოზე სარაკეტო თავდასხმის შედეგად, რომელიც, მათი მტკიცებით, ისრაელმა კვირას ღამით განახორციელა.

სამხედრო წყაროზე დაყრდნობით, სახელმწიფო მედია იტყობინება, რომ შუაღამის შემდეგ ისრაელმა საჰაერო დარტყმები განახორციელა დედაქალაქის რამდენიმე რაიონზე, რის შედეგადაც დაიღუპა ხუთი ადამიანი, მათ შორის ერთი სამხედრო. მათივე ინფორმაციით, დაშავებულია ქალაქის კიდევ 15 მცხოვრები.

სარაკეტო დარტყმამ დააზიანა რამდენიმე შენობა კაფრ სოუზას მჭიდროდ დასახლებულ უბანში უმაიადის მეჩეთის მახლობლად, რომელიც დამასკოს ისტორიულ ცენტრში მდებარეობს.

ამ ტერიტორიაზე არის სპეცსამსახურების დიდი, კარგად დაცული კომპლექსი. უშიშროების ძალების მრავალსართულიანი შენობები განთავსებულია საცხოვრებელი უბნის შუაგულში, აღნიშნავს Reuters.

ისრაელის სამხედროებმა უარი განაცხადეს თავდასხმის შესახებ კომენტარის გაკეთებაზე, როდესაც Reuters-მა დაუკავშირდა. ისრაელი ხშირად უტევს ობიექტებს სირიაში, რომლებიც დაკავშირებულია ირანთან და ჰეზბოლას მებრძოლებთან, მაგრამ იშვიათად აღიარებს მის ქმედებებს.

კვირას თავდასხმა პირველი იყო მას შემდეგ, რაც 12 დღის წინ ქვეყნის ჩრდილო-დასავლეთ და მეზობელ თურქეთში დამანგრეველი 7,8 მაგნიტუდის მიწისძვრა მოხდა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს