თურქეთში ორი ძლიერი მიწისძვრის შედეგად დაღუპულთა რიცხვი 38 044-მდე გაიზარდა. აღნიშნულ ინფორმაციას "ანადოლუ" თურქეთის კატასტროფების სააგენტოზე დაყრდნობით ავრცელებს.

უწყების ცნობით, მიწისძვრით დაზარალებული ათი პროვინციიდან ათასობით ადამიანია ევაკუირებული, სტიქიის ზონაში კი მუშაობს 264 389-ზე მეტი ადამიანი, რომელთაგან საგარეო საქმეთა სამინისტროს ცნობით, 67 ქვეყნის 5 753 წარმომადგენელია.

სამინისტროს ინფორმაციითვე, თურქეთს მიწისძვრის სალიკვიდაციო სამუშაოებში დახმარება 101 ქვეყანამ შესთავაზა.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

ამასთან, ბოლო მონაცემებით, თურქეთში მიწისძვრის შედეგად საქართველოს 5 მოქალაქე დაიღუპა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს