აშშ-ს თავდაცვის მდივანმა ლოიდ ოსტინმა განაცხადა, რომ ამერიკის შეერთებული შტატები მზადაა,  საჭიროების შემთხვევაში ბალტიისპირეთის ქვეყნები დაიცვას, რათა რეგიონში სამხედრო ვითარება შეინარჩუნოს.

„ჩვენ მე-5 მუხლის ერთგული ვართ, თქვენ შეგიძლიათ დადოთ ფსონი ამაზე“, - თქვა ოსტინმა, რითაც მხედველობაში მიიღო ნატო-ს წესდებაში მოყვანილი მოთხოვნა, რომ ალიანსის თითოეულმა წევრმა უნდა დაიცვან ერთმანეთი, თავდასხმის შემთხვევაში. 

ესტონეთის ლიდერებთან მოლაპარაკების შემდეგ ოსტინმა განაცხადა, რომ აშშ გააგრძელებს ლატვია, ლიეტუვასა და ესტონეთში "მუდმივი, როტაციული" სამხედრო ყოფნის შენარჩუნებას.

„აშშ მტკიცედ რჩება ჩვენი ბალტიისპირეთის მოკავშირეების თავისუფლებისა და სუვერენიტეტის ერთგული“, - განაცხადა ოსტინმა პრესკონფერენციაზე.

ესტონეთის თავდაცვის მინისტრმა ჰანო პევკურმა თქვა, რომ მისი ქვეყანა „მუშაობს იმისათვის, რომ თავიდან აიცილოს მასზე თავდასხმა“.

"შეკავება აქ ერთი საკვანძო სიტყვაა. სწორედ ამიტომ გამოდის ნატო ახალი რეგიონული თავდაცვის გეგმებით, რომლებიც იმედია დამტკიცდება ნატო-ს ვილნიუსის სამიტზე", - განაცხადა მინისტრმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს