ევროკავშირის ქვეყნების ელჩები სანქციების მეათე პაკეტზე სინთეტიკური რეზინის საჭიროების გამო ვერ შეთანხმდნენ. 

როგორც Politico წყაროზე დაყრდნობით იუწყება, სანქციების მეათე პაკეტი უნდა შეიცავდეს რუსული წარმოების სინთეზური რეზინის იმპორტის აკრძალვას. თუმცა, ამან „არსებითი უთანხმოება“ გამოიწვია ევროკავშირის ქვეყნების მუდმივ წარმომადგენლებს შორის. 

კერძოდ, პოლონეთმა მხარი დაუჭირა სანქციებს, მაგრამ იტალია და გერმანია აღნიშნულ სანქციას სკეპტიკურად უყურებენ.

გამოცემის ცნობით, ხელოვნური რეზინის წარმოებით რუსეთს ყოველწლიურად მილიარდობით დოლარის შემოსავალს მოაქვს. 2021 წელს რუსეთმა სინთეტიკური კაუჩუკის ექსპორტი თითქმის 2 მილიარდ დოლარად მოახდინა, საიდანაც 700 მილიონი ევროკავშირიდან შემოვიდა.

შეგახსენებთ, რომ გუშინ, 15 თებერვალს ევროკომისიამ რუსეთის წინააღმდეგ სანქციების მეათე პაკეტი ოფიციალურად წარადგინა. როგორც ევროკომისიის პრეზიდენტმა, ურსულა ფონ დერ ლაიენმა განაცხადა, პაკეტი ირანული ორგანიზაციების წინააღმდეგ სანქციებსაც მოიცავს.

ლაიენის თქმით, ახალი შემაკავებელი ზომები 11 მილიარდ ევროზე მეტი ღირებულების კრიტიკული ტექნოლოგიებისა და სამრეწველო საქონლის რუსეთში ექსპორტის აკრძალვას ითვალისწინებს. ევროკომისიის პრეზიდენტის განცხადებით, რუსეთის ეკონომიკაზე მაქსიმალური გავლენის მისაღწევად, შემოთავაზებულია, რუსეთისთვის საჭირო მრავალი სახის სამრეწველო საქონელზე შეზღუდვები მიზანმიმართულად დაწესდეს და მათი მესამე ქვეყნების მეშვეობით მოპოვება შეუძლებელი გახდეს.

გარდა ამისა, ახალი პაკეტით, შემოთავაზებულია დაწესდეს შეზღუდვები, მათ შორის, სამშენებლო სფეროში საქონელზე, რომელიც შეიძლება რუს სამხედროებს გადაეცეს. რაც შეეხება ირანს, ლაიენი ამბობს, რომ სანქციების დაწესება ირანის მიერ რუსეთისთვის უპილოტო საფრენი აპარატების მიწოდებამ გამოიწვია.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს