კიდევ ერთი ღამე დიდი ყინვით და გადარჩენილების პოვნის გამქრალი იმედი. თურქეთის ქალაქ კაჰრამანმარასში მაშველთა ჯგუფები თერმოგამოსახულებით აგრძელებენ ნანგრევების ქვეშ ადამიანების ძებნას. მაშველებს ასეთი მოწყობილობები ძალიან ცოტა აქვთ. დანგრეული შენობები - ასობით.

სამწუხაროდ, ახლა უფრო და უფრო ხშირად პოულობენ გარდაცვლილთა ცხედრებს. თურქეთსა და სირიაში მიწისძვრის შედეგად დაღუპულთა რიცხვმა უკვე 33 ათასს გადააჭარბა და გაიზრდება.

რიგ დაზარალებულ რაიონებში სამძებრო სამუშაოებში ჩართული იყო მძიმე ტექნიკა. მაშველები ვარაუდობენ, რომ ამ შენობის ნანგრევების ქვეშ ცოცხალი ადამიანები არ არიან.
თურქეთის პროვინცია ჰატაის ქალაქი ანტაკია თითქმის მთლიანად განადგურებულია.

სირიაში ქვეყნის ჩრდილო-დასავლეთში მიწისძვრის შედეგად დაზარალებულთათვის გადაუდებელი დახმარების გაწევის საკითხი ბოლომდე გადაწყვეტილი არ არის. ისლამისტები აკონტროლებენ იდლიბის პროვინციას და გაერო ჯერ კიდევ ვერ ახერხებს იქ ჰუმანიტარული მარაგების მიწოდებას ბაშარ ალ-ასადის რეჟიმის მიერ კონტროლირებადი ტერიტორიიდან. დახმარების მიწოდების მექანიზმს, გავრცელებული ინფორმაციით, დამასკოში გაეროს გენერალური მდივნის სპეციალური წარმომადგენელი სირიაში განიხილავს.
ალა მუბარაქი, სამოქალაქო თავდაცვის ხელმძღვანელი, ჯებლა: „ბოლო 12 ან 13 წლის განმავლობაში ჩვენ, სამოქალაქო თავდაცვის ძალებს, არ მიგვიღია ახალი აღჭურვილობა, არც ფანრები. ჩვენ არაფერი გვაქვს, აღჭურვილობა რომ გვქონდეს, შეგვეძლო გადარჩენა. ასობით მსხვერპლი ან კიდევ მეტი“.

კვირას გაეროს ათი სატვირთო კოლონამ გადაკვეთა თურქეთის საზღვარი და გაემართა ჩრდილო-დასავლეთ სირიისაკენ. ლიბანურმა შიიტურმა მოძრაობა ჰეზბოლამ სირიის პროვინცია ლატაკიაში გაგზავნა 23 სატვირთო მანქანა საკვებითა და მედიკამენტებით.

თურქეთსა და სირიაში მიწისძვრის შედეგად დაღუპულთა რაოდენობამ 34 179-ს მიაღწია,- აღნიშნულის შესახებ ინფორმაციას CNN-ი ოფიციალურ პირებზე დაყრდნობით ავრცელებს.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

გარდა ამისა, სტიქიური მოვლენის  შემდეგ თურქეთში 7 დღიანი გლოვაა გამოცხადებული, მთელი თურქეთის მასშტაბით სახელმწიფო დროშები დაეშვა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს