2023-02-06 10:49:37, 873 ნახვა
მსოფლიო
სირიაში, მიწისძვრის შედეგად, 237 ადამიანი დაიღუპა, დაშავებულია 600-ზე მეტი
თურქეთის სამხრეთ-აღმოსავლეთ ნაწილში მომხდარი მიწისძვრის შედეგად, სირიაში 237 ადამიანი დაიღუპა.
როგორც სირიის ჯანდაცვის სამინისტროს ინფორმაციაშია აღნიშნული, დაშავებულია 600-ზე მეტი ადამიანი.
სირიის საზღვართან ახლოს მომხდარმა მიწისძვრამ ალეპოს, ლატაკიას, ჰამასა და ტარტუსის პროვინციები დააზიანა.
შეგახსენებთ, თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.
ამ დროისთვის, თურქეთსა და სირიაში მიწისძვრის შედეგად დანგრეული შენობების ნანგრევებიდან ადამიანების გამოსაყვანად სამაშველო ოპერაციები მიმდინარეობს.
ავტორი: ექსპრესნიუსი,
epn.ge (@expressnews.ge)
