2023-02-03 13:51:44, 4738 ნახვა
კულტურა
გადაწყვიტეს შეებღალათ პაოლო იაშვილის შემოქმედება და ვინმე ელენე ბაქრაძისთვის მიეწერათ - წულუკიანმა ახალი კრებული გამოსცა
![]() კულტურის სამინისტროს ხელშეწყობით "პოეტ პაოლო იაშვილის შემოქმედების დასაცავად", ახალი წიგნი გამოიცა სახელწოდებით – „ელენე დარიანის დღიურები – ტექსტი და ავტორი პაოლო იაშვილი“. თეა წულუკიანმა აღნიშნული გადაწყვეტილება მას შემდეგ მიიღო, რაც ლიტერატურის სახელმწიფო მუზეუმის წარმომადგენლებმა „ელენე ბაქრაძე (დარიანი)“ წიგნის შესწორებული ვერსიის თავიდან გამოსაცემად საინიციატივო ჯგუფი შექმნეს. კულტურის მინისტრის თქმით, ეს იყო მცდელობა "შეებღალათ პაოლოს, კომუნისტური რეჟიმის მიერ განადგურებული დიდი ქართველის შემოქმედება და წაერთმიათ მისთვის შემოქმედება და მიეწერათ ეს ვინმე ელენე ბაქრაძისთვის". "ჩვენი ინიციატივითა და ხელშეწყობით, ჩვენი დაფინანსებით გამოიცა წიგნი, წიგნი, რომელიც ეძღვნება ერთის მხრივ პაოლო იაშვილის 130 წლისთავს და ასევე, მისი შემოქმედების დაცვას მავანთაგან, რომლებმაც შარშან და შარშანწინ, ლიტერატურის სახელმწიფო მუზეუმის ზოგიერთი წარმომადგენლის თაოსნობით, გადაწყვიტეს შეებღალათ პაოლოს, კომუნისტური რეჟიმის მიერ განადგურებული ამ დიდი ქართველის შემოქმედება. შეებღალათ იმით, რომ წაერთმიათ პაოლოსთვის მისი შემოქმედება და მიეწერათ ეს ვინმე ელენე ბაქრაძისთვის. ეს წარმატება მათ ვერ მოიპოვეს, კრახით დასრულდა მათი ეს მცდელობა და სამინისტრომ ეს სამარცხვინო პლაგიატის ფაქტი აღკვეთა",- განაცხადა თეა წულუკიანმა. კულტურის სამინისტროს მტკიცებით, გასული საუკუნის 90-იანი წლებიდან მოყოლებული, დღემდე არაერთი ისტორიული, ფაქტობრივი, ტექსტოლოგიური არგუმენტი გამოქვეყნდა იმის დასადასტურებლად, რომ „ელენე დარიანის დღიურების“ ავტორი პაოლო იაშვილია. ცნობილი პოეტის, ცისფერყანწელთა ორდენის წევრის, პაოლო იაშვილის შემოქმედებში არის 14 ლექსი, რომელიც “დარიანული ციკლის” სახელწოდების ქვეშაა გაერთიანებული. ბოლო დრომდე მიიჩნეოდა, რომ ეს პაოლო იაშვილის ლექსები იყო, სადაც პოეტი იშვიათი ნიჭითა და შემოქმედებით - ტრანსფორმაციული სიზუსტით აღწერდა “ქალურ” ეროტიკულ გრძნობებსა და სასიყვარულო განცდებს. მოგვიანებით აღმოჩენილმა საარქივო მასალებმა გააჩინა ვარაუდი, რომ მისტიკური ელენე დარიანის უკან რეალური ადამიანი, ცისფერყანწელთა თანამედროვე და პაოლო იაშვილის ახლო მეგობარი ელენე ბაქრაძე იდგა.
სერიალ დიდებული საუკუნის მთავარი როლის შემსრულებელს სასამართლომ 1 წლით და 10 თვით თავისუფლების აღკვეთა მიესაჯა
რუსეთმა ხარკოვის მახლობლად 50 000-კაციანი ძალები კონცენტრირება მოახდინა
კიევმა და მოსკოვმა სტამბოლში მიღწეული შეთანხმების შემდეგ პატიმრების გაცვლის მეორე ეტაპი განახორციელეს
მამუკა ხაზარაძე გრიგოლ გეგელიაზე თავდასხმაზე - პასუხისმგებლობა ეკისრება კრემლის მართულ ივანიშვილს
|
რედაქტორის რჩევით
აშშ-ს მტერი - რუბიომ ოცნების რეჟიმს, მისი კუთვნილ ადგილისკენ მიუთითა
![]() მოლაპარაკებები სტამბულში - უკრაინა და რუსეთი მშვიდობისგან შორს არიან
ომი უკრაინაში![]() რუსეთმა ხარკოვის მახლობლად 50 000-კაციანი ძალები კონცენტრირება მოახდინა
![]() კიევმა და მოსკოვმა სტამბოლში მიღწეული შეთანხმების შემდეგ პატიმრების გაცვლის მეორე ეტაპი განახორციელეს
ვიდეო/LIVE გახარიას გამოკითხვა წულუკიანის კომისიაში
ოცნების რეჟიმი თავისუფალი პრესის წინააღმდეგ: ჟურნალისტების უფლებების დარღვევის 342 შემთხვევა
მთავარი თემა
|