იუსტიციის სამინისტრო პატიმრის თვითდაზიანებაზე პასუხისმგებელი ვერ იქნება, - ამის შესახებ იუსტიციის მინისტრმა, რატი ბრეგაძემ განაცხადა.

მისივე თქმით, სამედიცინო პერსონალს საკუთარი მოვალეობის შესრულება ურთულეს პირობებში უწევს.

„500-დღიანი პოლიტიკური კამპანიის,  სამედიცინო პერსონალის მიმართ პატიმრის ქცევისა და მისი მხრიდან რეგულარული თვითდაზიანების გათვალისწინებით, სპეციალური პენიტენციური სამსახურის თანამშრომლებს და სამედიცინო პერსონალს ურთულეს პირობებში უწევთ საკუთარი მოვალეობების შესრულება და დაუშვებელია, რომ ეს ადამიანები იყვნენ შეურაცხყოფის და მუქარის ობიექტები. ასევე, კატეგორიულად მიუღებელია ჩვენთვის, ყოველგვარი მცდელობა – პატიმრის თვითდაზიანებაზე პასუხისმგებლობა პოლიტიკური კამპანიებით მათზე იქნეს გადატანილი. მინდა, ვისარგებლო შემთხვევით და ამ ადამიანებს მადლობა გადავუხადო ღირსეული სამსახურისთვის", – განაცხადა რატი ბრეგაძე.

იუსტიციის მინისტრის თქმით, სააკაშვილის მცდელობა, რომ  თვითდაზიანებით უზრუნველყოს პატიმრობიდან თავის დაღწევა, წარმოადგენს საშიშ პრეცედენტს, რომელსაც შეუძლია, იქონიოს წამახალისებელი ეფექტი სხვა პატიმრების ქცევაზე; ამ ყველაფრის მიმართ კი სამინისტრო ვერ იქნება ლოიალური.

„ჩვენ ვაკვირდებით სახელმწიფოს იმიჯის დაზიანებისთვის გამიზნულ პოლიტიკურ კამპანიას და ყოვლად მიუღებელ მცდელობას, კონკრეტულმა პატიმარმა თვითდაზიანებით უზრუნველყოს პატიმრობიდან თავის დაღწევა, რის მიმართაც, სახელმწიფო ინტერესებიდან გამომდინარე, ბუნებრივია, იუსტიციის სამინისტრო ვერ იქნება ლოიალური,  ვინაიდან ეს არის საშიში პრეცედენტი, რომელსაც შეუძლია, იქონიოს წამახალისებელი ეფექტი სხვა პატიმრების ქცევაზე, რაც სახელმწიფო უსაფრთხოებისთვის შესაძლოა, სერიოზულ გამოწვევად იქცეს. კიდევ ერთხელ გავიმეორებ, რომ ჩვენ პასუხისმგებელნი შეიძლება ვიყოთ მხოლოდ ჩვენი მოვალეობის სათანადო შესრულებაზე, მაგრამ ვერ ვიქნებით ვერანაირად პასუხისმგებელი პატიმრის თვითდაზიანებაზე, რაც მის მიერ არაკალორიული საკვების შერჩევით მიღებასა და სამედიცინო დანიშნულების რეგულარულ არშესრულებაში გამოიხატება", – განაცხადა იუსტიციის მინისტრმა.

რატი ბრეგაძე მოუწოდებს ყველას, შეწყვიტონ სააკაშვილის თვითდაზიანების მხარდაჭერა და საკითხის ამგვარად პოლიტიზება.

„პატიმრის ჯანმრთელობის საუკეთესო ინტერესებიდან გამომდინარე, მოვუწოდებთ ყველას, დაუყოვნებლივ შეწყვიტონ პატიმარ მიხეილ სააკაშვილის თვითდაზიანების მხაარდაჭერა, მოუწოდონ მას მისი ჯანმრთელობისთვის სასიკეთო სამედიცინო რეკომენდაციების შესრულება და შეწყვიტონ სასჯელის აღსრულების საკითხის პოლიტიზება. საქართველო არის სამართლებრივი სახელმწიფო, რომელიც, ერთი მხრივ, იცავს პატიმრის უფლებებს, ხოლო ამავდროულად უზრუნველყოფს კანონის აღსრულებას, რაც ამ შემთხვევაში სასჯელის აღსრულებით არის გამოხატული", – განაცხადა რატი ბრეგაძემ იუსტიციის სამინისტროში გამართულ ბრიფინგზე.

ავტორი: NS (სტატია დაფინანსებულია),

სოციალური ქსელები

თბილისში ევროკავშირის საგანმანათლებლო და ახალგაზრდული ქსელის შეხვედრა და გენერალური ასამბლეა გაიმართება

რა შესაძლებლობებია „მეწარმე ქალთა განვითარების პროგრამაში“? - „საქართველოს ბანკისა“ და გაეროს განვითარების პროგრამის (UNDP) ბენეფიციართა გამოცდილება

პროკურატურა - ნაფიცმა მსაჯულებმა შურისძიებით ჩადენილი მკვლელობის საქმეზე ბრალდებული დამნაშავედ ერთხმად ცნეს

წულუკიანი სააკაშვილზე - სამარცხვინოა, როდესაც კრიმინალს აჯილდოებენ, როგორც მშვიდობის მტრედს