რუსულმა ტერორმა ყველგან და ყველაფერში უნდა წააგოს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

სახელმწიფოს მეთაურმა ტრადიციულ ვიდეომიმართვაში ყურადღება დანიის დელეგაციასთან შეხვედრის დეტალებზე გაამახვილა და თქვა, რომ საუბარი უკრაინის თავდაცვის საჭიროებებს შეეხებოდა.

"ძალიან დეტალურად ვისაუბრეთ უკრაინის თავდაცვის საჭიროებებზე - იმის შესახებ, თუ რა შეიძლება დაგვეხმაროს ჩვენი ტერიტორიის გათავისუფლებაში და რა გვჭირდება უკრაინის აღმშენებლობის კონტექსტში. მიკოლაევი არის ქალაქი, რომლის აღდგენაზეც დანიამ პატრონაჟი საკუთარ თავზე აიღო... რუსულმა ტერორმა ყველგან და ყველაფერში უნდა წააგოს - ბრძოლის ველზეც და იმაშიც, რომ ჩვენს ქვეყანას არ დარჩეს არც ერთი ნანგრევი, რომ ჩვენ შევძლოთ ყველაფრის აღდგენა და ამით დავამტკიცოთ, რომ თავისუფლება უფრო ძლიერია", - განაცხადა ვოლოდიმირ ზელენსკიმ და დანიას მხარდაჭერისთვის მადლობა გადაუხადა.

შეგახსენებთ, უკრაინის პრეზიდენტი დანიის პრემიერ-მინისტრთან, მეტე ფრედერიქსენთან ერთად, მიკოლაევსა და ოდესაში იმყოფებოდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს