ფინეთის ქალაქ ესპოში გამართულ ევროპის ჩემპიონატზე 27 ქვეყნის 30 მოციგურავე ქალი თავიანთი მოკლე პროგრამით წარსდგა, სადაც პირველ პოზიციაზეა ქართველი მოციგურავე ანასტასია გუბანოვა აღმოჩნდა. ამის შესახებ ინფორმაციას საქართველოს ფიგურული სრიალის ფედერაცია ავრცელებს.

მისივე თქმით, დღევანდელი დღე განსაკუთრებულია იქედან გამომდინარე, რომ საქართველომ ფიგურულ სრიალში მოახერხა და დაიკავა პირველი ადგილი, რაც კიდევ ერთი დიდი მოტივაცია იქნება სპორტსმენისათვის თავისუფალი პროგრამის წინ , რომელიც შაბათს, 28 იანვარს გაიმართება.

"დღეს, 26 იანვარს, ფინეთის ქალაქ ესპოში გამართულ ევროპის ჩემპიონატზე 27 ქვეყნის 30 მოციგურავე ქალი თავიანთი მოკლე პროგრამით წარსდგა მაყურებლებისა და მსაჯების წინაშე. დღევანდელი დღე კიდევ ერთი გამორჩეული მოვლენა აღმოჩნდა საქართველოს ფიგურული ციგურაობის ისტორიაში.

პირველად, ევროპის ჩემპიონატების ისტორიაში მოკლე პროგრამაში საუკეთესო აღმოჩნდა და 69, 81 ქულით პირველ პოზიციაზეა ქართველი მოციგურავე ანასტასია გუბანოვა.

ტექნიკურად უშეცდომოდ შესრულებული მოკლე პროგრამა უკონკურენტო აღმოჩნდა ასპარეზობის პირველ სეგმენტში. ვულოცავთ ანასტასია გუბანოვას ამ დამსახურებულ წარმატებას, ჩვენი ქვეყნისათვის მოპოვებულ მცირე ოქროს მედალს , რომელიც დიდი სტიმული იქნება ქართველი სპორტსმენისათვის თავისუფალი პროგრამის წინ , რომელიც შაბათს, 28 იანვარს გაიმართება", - წერს საქართველოს ფიგურული სრიალის ფედერაცია.

ავტორი: ექსპრესნიუსი,

სოციალური ქსელები

„მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს

ვლადიმერ პუტინი მაისში ჩინეთში ვიზიტს გეგმავს

CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი

შოლცი - საფრანგეთს და გერმანიას სურს, რომ ევროპა ძლიერი დარჩეს