2023-01-26 21:35:52, 1623 ნახვა

---

ჯიშკარიანი ბრეგაძის განცხადებაზე - ეს არის ექსპერტიზაზე ზეწოლა და რეპუტაციის შელახვის მცდელობა

ეს არის ექსპერტიზაზე ზეწოლა და რეპუტაციის შელახვის მცდელობა, - ასე გამოეხმაურა ცენტრ "ემპათიას" ხელმძღვანელი, მარიამ ჯიშკარიანი, იუსტიციის მინისტრის, რატი ბრეგაძის განცხადებას, რომლის მიხედვითაც ლევან სამხარაულის ექსპერტიზის ეროვნული ბიუროს დასკვნის შესაბამისად, ცენტრ "ემპათიის" მიერ გამოტანილ დიაგნოზები არ არის სარწმუნო და უტყუარი.

მისივე თქმით, ცენტრ "ემპათიას" დასკვნას ეთანხმება და ხელს აწერს 16 ექსპერტი. მან დასძინა, რომ სამხარაულის ექსპერტიზის დასკვნას საერთაშორისო ექსპერტებთან ერთად შეისწავლის და იქნება შესაბამისი რეაგირება.

"იუსტიციის სამინისტრომ ჩაატარებინა ცენტრი ემპათიის დასკვნაზე სამხარაულის ექსპერტიზის ბიუროს ექსპერტიზა: ისმის კითხვა? რომელი კანონით? ეს არის ექსპერტიზაზე ზეწოლა და რეპუტაციის შელახვის მცდელობა. ცენტრი "ემპათიას" დასკვნას ეთანხმება და ხელს აწერს 6 საერთაშორისო ექსპერტი. სულ 16 ექსპერტი, სამხარაულის ექსპერტიზის დასკვნას ჩვენც შევისწავლით საერთაშორისო ექსპერტებთან ერთად და იქნება შესაბამისი რეაგირება. ასევე, საზოგადოებას წარედგინება სამხარაულის "დასაბუთებული" დასკვნები", - წერს ჯიშკარიანი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი