რუსეთის პატრიარქი კირილე - ჩვენი მიზანია, რუსეთის მოძმე ერებს შორის, როგორიცაა უკრაინა და ბელარუსი ძმური კავშირის გაძლიერება

2023-01-25 18:07:52, 1296 ნახვა

კომენტარი

ყველაფერი გავაკეთოთ იმისათვის, რომ ეშმაკმა, მტრობის თესლის დათესვით, ვერ მიაღწიოს იმას, რომ ძმა აჯანყდეს ძმის წინააღმდეგ. აღმოიფხვრას საშინაო ომის ყველა მცდელობა, რომ მშვიდობა, კეთილდღეობა და ძმური სიყვარული იყოს ისტორიული რუსეთის ყველა ხალხში, - განაცხადა რუსეთის პატრიარქმა კირილმა ქადაგებაში.

მისივე თქმით, რუსული სახელმწიფო მრავალი სახიფათო და საბედისწერო გამოწვევის წინაშე დგას და რუსული ეკლესიის მიზანი და მნიშვნელოვანი ნაწილია, რომ მოძმე ერებს შორის, როგორიცაა რუსეთი, უკრაინა და ბელარუსი ძმური კავშირები გააძლიეროს.

"უფალმა შეიწყალოს მთელი ისტორიული რუსეთი. ჩვენი რუსული სახელმწიფო დღეს მართლაც მრავალი სახიფათო, მაგრამ ამავე დროს საბედისწერო გამოწვევის წინაშე დგას. კიდევ უფრო გააძლიეროს ძმური კავშირები წმინდა რუსეთის შემადგენელ ხალხებს შორის. დღეს ეს ამოცანა ჩვენი ეკლესიის მისიის მნიშვნელოვანი ნაწილია.

ჩვენი ეკლესია არის სრულიად რუსეთის ეკლესია. როგორც რუსეთი, უკრაინა, ბელარუსი და სხვა ქვეყნები და ხალხები, რომლებიც ამ ისტორიულ რუსეთს ქმნიან, ჩვენი სამწყსო მსახურების ადგილია. ეს ნიშნავს, რომ წარმოშობილ პრობლემებს თან უნდა ახლდეს ჩვენი მხურვალე ლოცვა, რომ უფალმა, უპირველეს ყოვლისა, შეარიგოს ხალხი...

ამიტომ, ჩემი სიტყვა დღეს - რუსებს, უკრაინელებს და ბელარუსებს - და ყველას, ვინც შედის წმინდა რუსეთის ისტორიულ რეალობაში, არის, რომ ყველაფერი გავაკეთოთ იმისათვის, რომ კაცობრიობის მტერმა (ეშმაკი), მტრობის თესლის დათესვით, ვერ მიაღწიოს იმას, რომ ძმა აჯანყდეს ძმის წინააღმდეგ, რომ შეჩერდეს და აღმოიფხვრას საშინაო ომის ყველა მცდელობა, რომ მშვიდობა, კეთილდღეობა და ძმური სიყვარული იყოს ისტორიული რუსეთის ყველა ხალხში“, - განაცხადა კირილემ.

ავტორი: ექსპრესნიუსი,