ჩვენი ამოცანაა, გავაძლიეროთ ტერორისტული სახელმწიფოს განცდა, რომ უკრაინაში ვერაფერს მიაღწევს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც სახელმწიფოს მეთაურმა ტრადიციულ ვიდეომიმართვაში თქვა, აღნიშნული ამოცანის ყველაზე მნიშვნელოვანი ელემენტი "თანამედროვე დასავლური ტანკებია", რომელთა მიწოდებაზეც უწყვეტი მოლაპარაკებები იმართება.

"ახლა ჩვენი სახელმწიფოს, ყველა ჩვენგანისა და ჩვენი პარტნიორების მთავარი ამოცანაა, ყოველდღიურად გავაძლიეროთ ტერორისტული სახელმწიფოს განცდა, რომ უკრაინაში ვერაფერს მიაღწევენ - რამდენი დროც არ უნდა დაუთმონ ომს, რამდენი ძალისხმევაც არ უნდა დახარჯონ, რამდენი მათი მოქალაქეც არ უნდა გაყარონ კრემლის ოსტატებმა ბრძოლის ველზეც.

ამ ამოცანის შესრულება შედგება სხვადასხვა ელემენტისგან, როგორც თავდაცვის, ისე პოლიტიკურისგან, მაგრამ ერთ-ერთი ყველაზე მნიშვნელოვანი ელემენტია ტანკები. თანამედროვე დასავლური ტანკები, რომელთა მიწოდებაზეც ვაწარმოებთ მოლაპარაკებებს ჩვენს პარტნიორებთან", - განაცხადა ზელენსკიმ და ქვეყნების ლიდერებს, რომლებიც ომში ჩართულ კიევს ტექნიკით უკვე დაეხმარნენ, მადლობა გადაუხადა.

უკრაინის ლიდერის თქმით, ახლა ყველას ყურადღება მიპყრობილია "ერთი ევროპული დედაქალაქისკენ", [იგულისხმება ბერლინი, გერმანია] რომელმაც ტანკებთან დაკავშირებით, "თანამშრომლობის ჯაჭვი" უნდა გააქტიუროს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს