რუსეთის უკრაინაში დამარცხების შემთხვევაში, NATO ბირთვულ ომს უნდა ელოდოს,- ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევმა განაცხადა.

მედვედევის თქმით, NATO-სა და სხვა თავდაცვის ძალების ლიდერებმა, რომლებიც 20 იანვარს გერმანიაში რამშტეინის საჰაერო ბაზაზე შეხვდებიან, განიხილავენ სტრატეგიასა და მხარს დაუჭერენ დასავლეთის მცდელობას, დაამარცხონ რუსეთი უკრაინაში, მათი პოლიტიკის რისკებზე უნდა იფიქრონ.

„ატომური იარაღის მფლობელის დამარცხებამ ომში შეიძლება ბირთვული ომი გამოიწვიოს.

ბირთვულ ძალებს არასოდეს წაუგიათ დიდი კონფლიქტები, რომლებზეც მათი ბედი იყო დამოკიდებული“, - განაცხადა მედვედევმა.

აღსანიშნავია, რომ მედვედევის განცხადებას მხარი კრემლის პრესსპიკერმა, დიმიტრი პესკოვმა დაუჭირა და განაცხადა, რომ ისინი სრულად შეესაბამება მოსკოვის პრინციპებს.

ამასთან, როგორც კრემლში აღნიშნავენ, მოსკოვის დოქტრინა იძლევა ბირთვული თავდასხმის საშუალებას "რუსეთის ფედერაციის წინააღმდეგ ჩვეულებრივი იარაღით აგრესიის შემდეგ, როდესაც სახელმწიფოს არსებობას საფრთხე ემუქრება".

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს