კრემლი ცდილობს შეარყიოს Wagner PMC-ის ხელმძღვანელის ევგენი პრიგოჟინის გავლენა,- აღნიშნულის შესახებ ინფორმაციას ომის შესწავლის ინსტიტუტი (ISW) ავრცელებს.

როგორც ანალიტიკოსები აღნიშნავენ, პრიგოჟინს საჯაროდ ადანაშაულებენ რუსეთის თავდაცვის სამინისტროსა და ვაგნერს შორის კონფლიქტის განზრახ გაშუქებაში.

"კრემლი აგრძელებს საჯაროდ კამათს ვაგნერის ხელმძღვანელის ევგენი პრიგოჟინის პრეტენზიებზე, რომ 12 იანვარს დონეცკის რეგიონში სოლედარის დაკავებაზე მხოლოდ ვაგნერის ჯარები იყვნენ პასუხისმგებელი. რუსეთის პრეზიდენტმა, ვლადიმერ პუტინმა ფრონტის ხაზზე წარმატება რუსეთის თავდაცვის სამინისტროს მიაწერა. პუტინის განცხადება პირდაპირ ეთერში გადაიცემოდა სახელმწიფოს მიერ კონტროლირებად ტელევიზიით და სავარაუდოდ, ეს იყო მიზანმიმართული მცდელობა შეარყიოს პრიგოჟინის გავლენა რუსულ მედია სივრცეში, იმის გათვალისწინებით, რომ პუტინი მანამდე თავს იკავებდა ტაქტიკურ მიღწევებზე კომენტარისგან",- აღნიშნავენ ISW-ში.

ანალიტიკოსები ასევე აღნიშნავენ, რომ პუტინი ცდილობდა ეჩვენებინა, რომ ის ინარჩუნებს კონტროლს ტრადიციულ რუსულ მედიაზე, ხოლო პრიგოჟინი აგრძელებს აუდიტორიის ზრდას Telegram-სა და სხვა სოციალურ ქსელებში. 

ამასთან, ექსპერტების თქმით, კრემლის სპიკერმა დიმიტრი პესკოვმა ირიბად დაადანაშაულა პრიგოჟინი რუსეთის საინფორმაციო სივრცეში რუსეთის თავდაცვის სამინისტროსა და ვაგნერს შორის კონფლიქტის განზრახ გაშუქებაში. 

"პესკოვმა, რომელიც ცდილობს უარყოს ცნობები პრიგოჟინსა და რუსეთის თავდაცვის სამინისტროს შორის მიმდინარე კონფლიქტის შესახებ განაცხადა, რომ ეს ცნობები არის „ინფორმაციული მანიპულაციის პროდუქტი“. შესაძლოა ეს მიმართული იყოს პრიგოჟინის წინააღმდეგ, რომლის კრიტიკა რუსეთის თავდაცვის სამინისტროს მიმართ სულ უფრო თავხედური ხდება", - ნათქვამია მოხსენებაში.

ცნობისთვის, ცოტა ხნის წინ რუსულმა მედიამ გაავრცელა ინფორმაცია, რომ ვაგნერის PMC-ის ხელმძღვანელი  ევგენი პრიგოჟინი, რომელსაც უკრაინის წინააღმდეგ ომის დროს ძირითადად რუსეთის ძალაუფლება აქვს მინდობილი, ძირს უთხრის პუტინის რეჟიმს და სურს შექმნას საკუთარი პოლიტიკური ძალა, რომლის მიზანიც იქნება რუსეთის იმპერიის აღორძინება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს