რუსეთის მიერ გაჩაღებულ ომში უკრაინის დამარცხებამ, შესაძლოა, მესამე მსოფლიო ომის დაწყება გამოიწვიოს, - ამის შესახებ პოლონეთის პრემიერ-მინისტრმა, მატეუშ მორავეცკიმ განაცხადა.

როგორც მორავეცკიმ ბერლინში ვიზიტისას აღნიშნა, სწორედ ამიტომ, დასავლეთმა უკრაინას უნდა მისცეს იარაღი, რომელიც საჭიროა რუსული აგრესიის მოსაგერიებლად.

"დასავლეთ ევროპას სჯეროდა, რომ რუსული დათვის მოთვინიერება შეიძლებოდა... უკრაინის დამარცხება შეიძლება იყოს მესამე მსოფლიო ომის პრელუდია, ამიტომ არ არსებობს საფუძველი, რომ დაიბლოკოს კიევის მხარდაჭერა და გადავდოთ იგი განუსაზღვრელი ვადით", - ამბობს პოლონეთის პრემიერ-მინისტრი.

მორავეცკი გერმანიის ხელისუფლებას მოუწოდებს, უკრაინას "ყველა სახის" იარაღი მიაწოდოს.

„რუსეთთან ურთიერთობა ეშმაკთან შეთანხმებას ჰგავს. ქვეყნების რუსულ გაზზე დამოკიდებულება ყელზე შემოჭერილ ყულფს ჰგავს. ის, რაც დასავლეთისთვის მხოლოდ წარუმატებელი ბიზნესინტერესები იყო, უკრაინისა და პოლონეთისთვის სიკვდილ-სიცოცხლის საკითხი გახდა", - განაცხადა მორავეცკიმ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს