ღამით რუსმა ოკუპანტებმა ზაპოროჟიეს რეგიონი დაბომბეს,- აღნიშნულის შესახებ ინფორმაციას ზაპოროჟიეს სამხედრო ადმინისტრაციის წარმომადგენელი, ალექსანდრ სტარუხი Telegram-ზე ავრცელებს.

სტარუხის თქმით, ოკუპანტებმა სარაკეტო იერიში მიიტანეს, როგორც ზაპოროჟიეზე ასევე, მის გარეუბნებზე.

„მტერმა რაიონულ ცენტრსა და გარეუბნებზე სარაკეტო შეტევა განახორციელა.

განადგურებულია სამოქალაქო, საცხოვრებელი და სამრეწველო ინფრასტრუქტურა. შემოვიდა ინფორმაცია რამდენიმე დაშავებულის შესახებ. ადგილზე მუშაობენ სპეციალური სამსახურები”,- წერს სტარუხი.

ცნობისთვის, 14 იანვარს რუსეთმა უკრაინის ქალაქებზე სარაკეტო იერიში განახორციელა.

ამავე დროს, დნეპრში, რუსმა ოკუპანტებმა მაღალსართულიანი კორპუსი დაბომბეს, რომელშიც დაახლოებით 1700 ადამიანი ცხოვრობდა.

დნეპროპეტროვსკის რეგიონალური ადმინისტრაციის ხელმძღვანელის, ვალენტინ რეზნიჩენკოს ცნობით, დაბომბვას 35 ადამიანის სიცოცხლე ემსხვერპლა, მათგან ორი ბავშვია. გადარჩენილია 39 ადამიანი, დაშავებულია 75. დაჭრილებს შორის 14 ბავშვია. კორპუსის 35 მაცხოვრებლის ბედი ამჟამად უცნობია.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს