ყველაფერი უნდა გავაკეთოთ რომ რუსული რაშიზმიც ისევე დავამარცხოთ, როგორც მეორე მსოფლიო ომში ნაციზმზე გავიმარჯვეთ, - ასე გამოეხმაურა უკრაინის პრეზიდენტი ვოლოდიმირ ზელენსკი უკრაინის ქალაქებზე რუსეთის ახალ სარაკეტო თავდასხმას. 

ზელენსკიმ კიდევ ერთხელ მოუწოდა მსოფლიო ლიდერებს, რომ უკრაინას შესაბამისი სამხედრო აღჭურვილობა მიაწოდონ. 

"ოკუპანტების შესაჩერებლად ჩვენ გვჭირდება ის შეიარაღება რომელიც ჩვენი პარტნიორების საცავებში ინახება და რომლის მოწოდებასაც მოუთმენლად ველოდებით. მთელმა მსოფლიომ იცის, თუ როგორ უნდა შევაჩეროთ ის, ვინც სიკვდილს თესავს.
დანგრეული კორპუსი დნეპრში, გამარჯვების ქუჩაზე მდებარეობს. ამ ქუჩას ეს სახელი მეორე მსოფლიო ომში ნაციზმზე გამარჯვების გამო ეწოდა. დღეს ყველაფერი უნდა გავაკეთოთ რომ რუსული რაშიზმიც ისევე დავამარცხოთ, როგორც მეორე მსოფლიო ომში ნაციზმზე გავიმარჯვეთ. რუსეთის საოკუპაციო ძალების მიერ უკრაინის წინააღმდეგ გასროლილი გამოშვებული 30 რაკეტიდან 20 გავანადგურეთ. ჩვენ ამით ასობით სიცოცხლე გადავარჩინეთ. მადლობას ვუხდით ჩვენს საჰაერო ძალებს და ყველას, ვინც უკრაინისთვის მსახურობს. სამწუხაროდ, დაზიანდა ენერგეტიკული ინფრასტრუქტურის ობიექტები. ამ მხრივ, ურთულესი ვითარება ხარკოვის და კიევის რეგიონში გვაქვს. ყველა ვინც ამ ტერორისტულ აქტში მონაწილეობდა აუცილებლად ვიპოვით და შესაბამის პასუხისმგებლობას დავაკისრებთ",- განაცხადა ზელენსკიმ. 

ცნობისთვის, გუშინ, 14 იანვარს რუსეთმა უკრაინის ქალაქებზე სარაკეტო იერიში განახორციელა. 

ამავე დროს, დნეპრში, რუსმა ოკუპანტებმა მაღალსართულიანი კორპუსი დაბომბეს, რომელშიც დაახლოებით 1700 ადამიანი ცხოვრობდა. ბოლო მონაცემებით, საცხოვრებელი კორპუსის ნანგრევებიდან საგანგებო სიტუაციების მართვის სამსახურის თანამშრომლებმა 18 ადამიანის ცხედარი ამოიყვანეს, დაშავებულია 73 ადამიანი, მათ შორის 14 ბავშვია. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს