ვლადიმერ პუტინი ემზადება მობილიზაციის ახალი ტალღის გამოცხადებისთვის, რომლის დროსაც ფრონტზე 500 ათასამდე ადამიანის გაგზავნა შეიძლება. - ამის შესახებ, გავლენიანი გამოცემა The Times იუწყება. მედიასაშუალება ინფორმაციას დასავლური დაზვერვის მონაცემებზე დაყრდნობით ავრცელებს.

გამოცემის ცნობით, გადაწყვეტილება რამდენიმე კვირაში მიიღება და აპრილისთვის ნახევარ მილიონამდე ადამიანი გაიგზავნება ფრონტზე „ახალი ფართომასშტაბიანი შეტევის დასაწყებად“. მითითებულია, რომ ამ დროისთვის უამინდობის გამო ბრძოლის ველზე ნაკლები ტალახი უნდა იყოს.

„რუსეთის რეგიონულ სამხედრო აღრიცხვისა და გაწვევის ოფისებში სერიოზული მზადება მიმდინარეობს, კრემლმა ჩაატარა დახურული გამოკითხვა. რუსეთის მოქალაქეები შეშფოთებულნი არიან ომით, მაგრამ მათ ასევე არ სურთ დამარცხების მოთმენა“, - ციტირებს გამოცემა უსახელო ოფიციალურ პირს.

ბოლო თვეების განმავლობაში, ინფორმაცია მობილიზაციის ახალი ტალღის შესახებ სხვადასხვა რესურსებზე უფრო და უფრო ხშირად ჩნდება. მას პოლიტიკოსები აქვეყნებენ, რის შემდეგაც სხვა პოლიტიკოსები უარყოფენ ამ ინფორმაციას. მობილიზაციის ახალი ტალღისკენ მოწოდებები ასევე ქვეყნდება ახლახან შექმნილ ტელეგრამის ზოგიერთ არხზე, რის შემდეგაც ეს შეტყობინებები აქტიურად ვრცელდება სხვა სოციალურ ქსელებში. 

უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი ჩერნიაკის თქმით, რუსეთმა 15 იანვარს, შესაძლოა, დამატებითი მობილიზაცია გამოაცხადოს.

გარდა ამისა, როგორც ჩერნიაკი ამბობს, ტერორისტული ქვეყნის შეიარაღებულ ძალებში 500 000-მდე რუსს გაიწვევენ. 

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა