2023-01-14 16:01:32, 1622 ნახვა
ომი უკრაინაში
დიდი ბრიტანეთი უკრაინას Challenger 2 ტანკებს და დამატებით საარტილერიო სისტემებს გადასცემს
დიდმა ბრიტანეთმა ოფიციალურად დაადასტურა, რომ უკრაინას Challenger 2 ტანკებს და დამატებით საარტილერიო სისტემებს გადასცემს.
შესაბამისი გადაწყვეტილება ბრიტანეთის პრემიერ-მინისტრმა, რიში სუნაკმა უკრაინის პრეზიდენტ ვოლოდიმირ ზელენსკისთან სატელეფონო საუბრისას აცნობა.
სუნაკმა და ზელენსკიმ ასევე განიხილეს სხვა პარტნიორების გადაწყვეტილებები სამხედრო დახმარების შესახებ.
„პრემიერმა ხაზგასმით აღნიშნა, რომ ის და გაერთიანებული სამეფოს მთელი მთავრობა ინტენსიურად იმუშავებენ საერთაშორისო პარტნიორებთან, რათა სწრაფად უზრუნველყონ მხარდაჭერა, რომელიც საშუალებას მისცემს უკრაინას გამოიყენოს თავისი უპირატესობა, მოიგოს ეს ომი და უზრუნველყოს ხანგრძლივი მშვიდობა“, - აცხადებენ ბრიტანეთის მთავრობაში.
ავტორი: ექსპრესნიუსი,
epn.ge (@expressnews.ge)
