2022-12-21 14:12:19, 1497 ნახვა
მსოფლიო
ვლადიმერ პუტინმა პარლამენტში შემაჯამებელი სიტყვით გამოსვლა 2023 წლისთვის გადადო
რუსეთის პრეზიდენტი, ვლადიმერ პუტინი ფედერალური კრების წინაშე სიტყვით არ გამოვა.
როგორც მისმა პრესმდივანმა, დიმიტრი პესკოვმა განაცხადა, პუტინმა შემაჯამებელი სიტყვით გამოსვლა 2023 წლისთვის გადადო.
"ეს მოხდება უკვე მომავალ წელს. ჩვენ განვსაზღვრავთ ვადებს, დავაზუსტებთ", - განუცხადა მან ჟურნალისტებს.
კრემლის სპიკერმა დასძინა, რომ ეს გამოწვეულია სახელმწიფოს მეთაურის დატვირთული გრაფიკით.
შეგახსენებთ, 12 დეკემბერს გავრცელდა ინფორმაცია იმის შესახებ, რომ ვლადიმერ პუტინი წლის დასკვნით პრესკონფერენციასაც არ გამართავდა. ამის მიზეზად პესკოვმა მიზეზად რუსეთის პრეზიდენტის პრესასთან "რეგულარული საუბარი" დაასახელა.
ავტორი: ექსპრესნიუსი,
epn.ge (@expressnews.ge)
