2022-12-15 02:46:57, 1502 ნახვა
სპორტი
საფრანგეთის ნაკრები კატარის მსოფლიო ჩემპიონატის მეორე ფინალისტი გახდა
საფრანგეთის ნაკრებმა მაროკოს ნაკრები ანგარიშით 2:0 დაამარცხა. გოლები თეო ერნანდესმა და რენდალ კოლო-მუანმა გაიტანეს.
ფინალში ფრანგები არგენტინის ნაკრებთან ითამაშებენ, რომელმაც წინა დღით ხორვატია (3:0) დაამარცხა.
მაროკოს ეროვნული ნაკრები გახდა პირველი გუნდი აფრიკიდან, რომელიც მსოფლიო ჩემპიონატზე ნახევარფინალში გავიდა.
საფრანგეთი მსოფლიო ჩემპიონატის ფინალში ზედიზედ მეორედ გადის. მსოფლიო ჩემპიონატზე, რომელიც 2018 წელს რუსეთში გაიმართა, ფრანგებმა ტურნირის მთავარ მატჩში ხორვატები 4:2 დაამარცხეს.
საფრანგეთი-არგენტინის ფინალი ყატარში კვირას, 18 დეკემბერს გაიმართება.
ავტორი: ექსპრესნიუსი,