2022-12-14 17:18:07, 1374 ნახვა
მსოფლიო
„ეს თემა დღის წესრიგში არ არის“ - რუსეთი ცეცხლის შეწყვეტას არც საახალწლო დღესასწაულებზე განიხილავს
რუსეთი ცეცხლის შეწყვეტას არც შობისა და საახალწლო დღესასწაულებზე განიხილავს. ამის შესახებ კრემლის პრესსპიკერმა, დიმიტრი პესკოვმა ჟურნალისტების კითხვის საპასუხოდ განაცხადა.
პესკოვმა თქვა, რომ მოსკოვს "არ მიუღია წინადადებები უკრაინასა და რუსეთს შორის შესაძლო ცეცხლის შეწყვეტის შესახებ სადღესასწაულო პერიოდისთვის" და დასძინა, რომ "ეს თემა დღის წესრიგში არ არის".
შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.
ავტორი: ექსპრესნიუსი,
epn.ge (@expressnews.ge)
