მინდა მივმართო ხელისუფლებას, გონს მოეგეთ, არ შეიძლება ადამიანის სიცოცხლით თამაში და ეს ყველას ბუმერანგივით დაუბრუნდება, - ამის შესახებ საქართველოს მესამე პრეზიდენტის ძმამ, დავით სააკაშვილმა სასამართლო სხდომის დასრულების შემდეგ განაცხადა. 

მისი თქმით, დღეს საზოგადოებამ ნათლად დაინახა, რომ ექსპრეზიდენტს არ მიეცა პროცესზე დისტანციურ რეჟიმში დასწრების უფლება, რადგან მისი მდგომარეობა მძიმეა . 

"გაუგონარი რამ ხდება, ბოლო პერიოდია ხელისუფლებიდან ვისმენთ, რომ ეს ყველაფერი ფარსია და მიშა არის კარგად და რა მოხდა დღეს- დღეს საზოგადოებამ ნათლად დაინახა, რომ მიშას არ მიეცა საშუალება ვიზუალურად დაენახა ხალხს. ხდება ადამიანის მიზანმიმართულად სიკვდილის პირამდე მიყვანა. სად ვართ ახლა ჩვენ? მიშა სრულიად ჯანმრთელი შევიდა საპატიმროში და რა მივიღეთ? ადამიანის ფიზიკური კონდიცია არის იქამდე, რომ ვერ გადაადგილდება. მინდა მივმართო ხელისუფლებას, გონს მოეგეთ, არ შეიძლება ადამიანის სიცოცხლით თამაში და ეს ყველას ბუმერანგივით დაუბრუნდება",- განაცხადა ექსპრეზიდენტის ძმამ. 

შეგახსენებთ, რომ 9 დეკემბერს თბილისის საქალაქო სასამართლოში მიხეილ სააკაშვილის  გათავისუფლების ან სასჯელის გადავადების საქმეზე უნდა ემსჯელათ, თუმცა მოსამართლე გიორგი არევაძემ პროცესი ჯერ 14 დეკემბერს, შემდეგ კი 22 დეკემბრისთვის გადადო. 

პროცესზე დასწრების სურვილი გამოთქვა თავად ექსპრეზიდენტმა, თუმცა მისი ჯანმრთელობის მდგომარეობიდან გამომდინარე, კლინიკა „ვივამედმა" დასწრების საშუალება არ მისცა.ამის შემდეგ, ადვოკატმა პროცესზე მიხეილ სააკაშვილის დისტანციურ რეჟიმში დასწრება მოითხოვა, რაზეც სასამართლომ უფლება გასცა, თუმცა სხდომის დღეს "ტექნიკური მოწყობილობების" არ არსებობის გამო, პენიტენციურმა არ ჩართო. 

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა