2022-12-14 09:06:51, 1471 ნახვა
მსოფლიო
იტალია 2023 წელს უკრაინისთვის შეიარაღების გადაცემას გააგრძელებს
იტალიის სენატმა მიიღო რეზოლუცია, რომლის მიხედვითაც უკრაინისთვის იარაღის მიწოდება 2023 წლის ბოლომდე გაგრძელდება. აღნიშნულ ინფორმაციას La Reppublica ავრცელებს.
გამოცემის ცნობით, რეზოლუცია ხმათა აბსოლუტური უმრავლესობით მიიღეს - მას მხარი 143-მა სენატორმა დაუჭირა, 29 წინააღმდეგი იყო, ერთმა კი თავი შეიკავა.
იტალიის პრემიერ-მინისტრის, ჯორჯია მელონის განცხადებით, იტალია გააგრძელებს უკრაინის მხარდაჭერას, რადგან ომის დასრულების ნიშნები არ ჩანს.
პარლამენტის ზედა პალატის წევრებმა, უკრაინის სამხედრო დახმარების გაგრძელების თაობაზე, ოპოზიციური პარტიების კიდევ ორი რეზოლუცია დაამტკიცეს.
ამასთან, სენატორებმა, რეზოლუციას უკრაინელი სამხედროებისთვის იარაღის გადაცემის შეჩერების შესახებ, მხარი არ დაუჭირეს.
ავტორი: ექსპრესნიუსი,
epn.ge (@expressnews.ge)
