2022-12-08 22:15:42, 2385 ნახვა
ომი უკრაინაში
რუსეთის არმიამ ლუგანსკის რაიონში 60 კილომეტრიანი სანგრების სისტემა გათხარა
რუსეთის არმიამ ლუგანსკის რაიონში 60 კილომეტრიანი სანგრების სისტემა გათხარა.
ამის შესახებ ინფორმაციას ბრიტანეთის თავდაცვის სამინისტრო ავრცელებს.
ბრიტანელი სამხედროების თქმით, საუბარია სვატოვოსა და რუსეთის საზღვარს შორის არსებულ თხრილების სისტემაზე, რომლის საერთო სიგრძე 60 კილომეტრია.
მიმოხილვაში ნათქვამია, რომ რუსეთის ფედერაციის ელიტარული პირველი გვარდიის სატანკო არმიის ნაწილები ასევე განლაგებულია სვატოვოს რეგიონში. ვარაუდობენ, რომ ამ სატანკო არმიამ დიდი ზარალი განიცადა ომის დროს, მათ შორის სექტემბერში ხარკოვის რეგიონიდან უკანდახევის დროს. ამჟამად, ბრიტანეთის თავდაცვის სამინისტროს ცნობით, ტანკები ნაწილობრივ რეაბილიტირებულია,მაგრამ რუსეთი საგრძნობლად განიცდის ჯარის პერსონალის ნაკლებობას.
ავტორი: ექსპრესნიუსი,
epn.ge (@expressnews.ge)
