ნატოს თავდაცვის მინისტერიალის ფარგლებში, საქართველოს თავდაცვის მინისტრმა რუმინელ კოლეგასთან ორმხრივი შეხვედრა გამართა. შეხვედრის დასაწყისში, მინდია ჯანელიძემ მირჩეა დუშას საქართველოს ტერიტორული მთლიანობისა და ქვეყნის ევროატლანტიკურ სტრუქტურებში ინტეგრაციის ურყევი მხარდაჭერისთვის მადლობა გადაუხადა.

მინდია ჯანელიძემ კოლეგას საქართველოს თავდაცვის სფეროში განხორციელებული და დაგეგმილი რეფორმები გააცნო. როგორც საქართველოს თავდაცვის მინისტრმა აღნიშნა, მიმდინარე წლის ერთ-ერთი მთავარი პრიორიტეტი ნატო-საქართველოს არსებითი პაკეტით განსაზღვრული ელემენტების ეფექტური განხორციელებაა.

შეხვედრაზე მინისტრებმა თავდაცვის სფეროში საქართველოსა და რუმინეთს შორის არსებული თანამშრომლობის საკითხები განიხილეს. საუბარი შეეხო ავღანეთში „მტკიცე მხარდაჭერისა“ და ცენტრალური აფრიკის რესპუბლიკაში მიმდინარე სამშვიდობო მისიებში საქართველოს ჩართულობას.

მირჩეა დუშამ დადებითად შეაფასა თავდაცვის სფეროში მიმდინარე რეფორმები და მადლობა გადაუხადა ქართველ კოლეგას საერთაშორისო უსაფრთხოების უზრუნველყოფის საქმეში შეტანილი მნიშვნელოვანი წვლილისთვის. რუმინეთის თავდაცვის მინისტრმა განაცხადა, რომ მისი ქვეყანა მომავალშიც გააგრძელებს საქართველოს ტერიტორიული მთლიანობისა და ევროატლანტიკური კურსის მხარდაჭერას, ხოლო თავის მხრივ აქტიურ წვლილს შეიტანს საქართველოსა და რუმინეთს შორის თანამშრომლობის გაღრმავების საქმეში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს