პოდოლიაკი რუსეთთან მოლაპარაკებებზე - აზრი არ აქვს მოლაპარაკებას მათთან, ვინც „ძვლებზე ცეკვავს“

2022-10-01 18:19:32, 1647 ნახვა

ომი უკრაინაში

აზრი არ აქვს მოლაპარაკებას მათთან, ვინც „ძვლებზე ცეკვავს“,- ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.

მისი თქმით, პუტინთან და მის გარემოცვასთან მოლაპარაკებებს აზრი არ აქვს, რადგან მათი სიტყვების ფასს უარყოფითი ღირებულება აქვს.

„აზრი არ აქვს მოლაპარაკებას მათთან, ვინც "ძვლებზე ცეკვავს" - პუტინთან და მის გარემოცვასთან. მათი სიტყვების ფასს უარყოფითი მნიშვნელობა აქვს. მოლაპარაკება შესაძლებელია, მაგრამ რუსეთის ახალ პრეზიდენტთან, რომელიც უფრო ადეკვატურად შეაფასებს რეალობას“,- განაცხადა პოდოლიაკმა.

ცნობისთვის, რუსეთის პრეზიდენტმა, ვლადიმერ პუტინმა უკრაინის ოთხი ოკუპირებული რეგიონის ანექსიის შესახებ განკარგულების ხელისმოწერის ცერემონიაზე განაცხადა, რომ "უკრაინამ უნდა შეწყვიტოს ცეცლი და დაჯდეს მოლაპარაკების მაგიდასთან".

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,