გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა კანონპროექტის „სამრეწველო ემისიების შესახებ“ განხილვის  სამუშაო შეხვედრა მისასალმებელი სიტყვით გახსნა.

უწყების ცნობით, ბიზნესსექტორის წარმომადგენლებისთვის კანონპროექტის განხილვა „საქართველოს ბიზნესასოციაციის“ ორგანიზებით გაიმართა. შეხვედრას სამინისტროს შესაბამისი უწყებების წარმომადგენლები ესწრებოდნენ.

ნინო თანდილაშვილმა ვრცლად ისაუბრა კანონპროექტის მნიშვნელობის შესახებ და ყურადღება კანონპროექტის შემუშავებისა და განხილვის პროცესში ბიზნესსექტორის წარმომადგენლების ჩართულობის აუცილებლობაზე გაამახვილა.

„მოგეხსენებათ, აღნიშნული კანონპროექტის შემუშავების საფუძველი ევროკავშირთან ასოცირების ხელშეკრულებით ნაკისრი ვალდებულების  შესრულება გახლავთ. ჩვენი მიზანია, კერძო სექტორთან მაქსიმალური კოორდინაციით შევიმუშაოთ ეფექტიანი საკანონმდებლო ბაზა, რამაც, საბოლოოდ, გარემოს დაბინძურების შემცირებას უნდა შეუწყოს ხელი“, - განაცხადა ნინო თანდილაშვილმა.

უწყების ცნობით, კანონპროექტის მიზანია სამრეწველო საქმიანობის შედეგად ატმოსფერულ ჰაერში, წყალში და მიწაში ემისიების შემცირება და კონტროლი.

ავტორი: NS (სტატია დაფინანსებულია),

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა