ესტონეთის პრემიერი - ცეცხლის შეწყვეტა არ ნიშნავს სისასტიკეს დასრულებას, ჩვენ უკვე დავუშვით ეს შეცდომა საქართველოში, დონბასსა და ყირიმში

2022-06-07 10:27:29, 1441 ნახვა

ომი უკრაინაში

ცეცხლის შეწყვეტა არ ნიშნავს ოკუპირებულ ტერიტორიებზე სისასტიკეს დასრულებას. ჩვენ უკვე სამჯერ დავუშვით ეს შეცდომა საქართველოში, დონბასსა და ყირიმში და ამ შეცდომას ვეღარ დავუშვებთ,- აცხადებს ესტონეთის პრემიერი, კაჯა კალასი.

კალასი აღნიშნავს, რომ უკრაინაში რუსეთის შეჭრის საპასუხოდ ევროპული ერთიანობის შენარჩუნება რთულია .

„ჩვენ იმ ეტაპზე ვართ, როდესაც სანქციები ჩვენც გვაზიანებს, თავიდან სანქციები მხოლოდ რუსეთისთვის იყო რთული, მაგრამ ახლა ჩვენ მივდივართ იმ მომენტამდე, როდესაც სანქციები მტკივნეულია ჩვენი ქვეყნებისთვის და ახლა საკითხავია, რამდენი ტკივილის ატანისათვის ვართ ჩვენ მზად. სხვადასხვა ქვეყნისთვის. ერთიანობის შენარჩუნება ძალიან რთულია. ეს სულ უფრო და უფრო რთულდება მაღალი ინფლაციისა და ენერგიის ფასების გამო. გაზი შეიძლება ძვირი იყოს, მაგრამ თავისუფლება ფასდაუდებელია. თავისუფალ სამყაროში მცხოვრებ ადამიანებს ეს ნამდვილად არ ესმით.ძალიან მაწუხებს ნაადრევი მოწოდებები ცეცხლის შეწყვეტის ან მშვიდობის შესახებ, რადგან ცეცხლის შეწყვეტა არ ნიშნავს ოკუპირებულ ტერიტორიებზე სისასტიკეს დასრულებას. ჩვენ უკვე სამჯერ დავუშვით ეს შეცდომა საქართველოში, დონბასსა და ყირიმში და ამ შეცდომას ვეღარ დავუშვებთ.“,- განაცხადა ესტონეთის პრემიერ-მინისტრმა.

კალასმა განმარტა, რომ ესტონეთი რუსული ტოტალიტარული ციხისგან გათავისუფლდა - ესტონეთი 1991 წლამდე ანექსირებული იყო სსრკ-ს მიერ. ”მე ვიცი, როგორი გრძნობაა და ეს არის ცენტრალური და აღმოსავლეთის ქვეყნების გამოცდილება”, - თქვა მან. ”მაგრამ ეს არის გამოცდილება, რომელიც დასავლეთ ევროპის ზოგიერთ ქვეყანას არ აქვს, ამიტომ ღირებულებები შესაძლოა გაქრეს, როგორც კი ტკივილს იგრძნობთ ”