"მთავრობამ თავიდან უნდა აიცილოს გაზის საფასურის გაძვირება, ამ ეტაპზე მაინც",-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზ განაცხადა.

მისივე თქმით, ეკონომიკურ საბჭოს  საკითხის შესწავლა დაავალა. პრემიერის განმარტებით, მთავრობა შეეცდება,  გაზის საფასურის გაძვირების თავიდან ასაცილებლად გზები გამონახოს.

 "ვფიქრობ, რომ გაზის საკითხზე  ჩვენ არ უნდა ვიჩქაროთ.  ჯერ კიდევ გვაქვს დრო, რომ ყველაფერი  კარგად გავაანალიზოთ. ჩემი დავალებით ეკონომიკურმა საბჭომ ამ საკითხის შესწავლა, უფრო კარგად გაანალიზება დაიწყო. ჩვენ გამოვნახავთ გზებს, რათა  თავიდან ავირიდოთ გაზის საფასურის გაძვირება ამ ეტაპზე მაინც",-განაცხადა ირაკლი ღარიბაშვილმა.

ამასთან, ირაკლი ღარიბაშვილმა მთავრობას დაავალა, გაზის საფასურის გადავადების თაობაზე, აზერბაიჯანულ მხარესთან მოლაპარაკებები დაიწყოს.

 "სოკარის" წარმომადგენლებთანაც გვქონდა კომუნიკაცია და ისინი  მზად არიან, ამ თემაზე  მოვილაპარაკოთ. მინდა,  ორივე ვიცე-პრემიერს მოგიწოდოთ, ეკონომიკურ საბჭოსთან ერთად, ეს საკითხი უსწრაფესად გადაწყვიტოთ. შესაძლოა, ჩვენ აზერბაიჯანულ მხარესაც მივმართოთ თხოვნით, რათა საკითხის გადავადება მოხდეს",-აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?