2022-05-24 17:40:37, 1897 ნახვა
ომი უკრაინაში
უკრაინის უსაფრთხოების სამსახურმა ომის დანაშაულების გამო კიდევ 8 რუსი სამხედროს იდენტიფიცირება მოახდინა
უკრაინის უსაფრთხოების სამსახურმა კიდევ 8 რუსი სამხედროს იდენტიფიცირება მოახდინა, რომლებმაც კიევის რეგიონში მშვიდობიანი მოსახლეობის წინააღმდეგ სისასტიკე ჩაიდინეს. აღნიშნულის შესახებ ინფორმაციას უკრაინის უსაფრთხოების სამსახური ავრცელებს. უსაფრთხოების სამსახურის ცნობით, იდენტიფიცირებულთა შორის რუსეთის ფედერაციის შეიარაღებული ძალების 5 სამხედრო მოსამსახურეა. ეჭვმიტანილებს ბრალი სულ 14 საქმის გამო ედებათ, მათ შორის: მშვიდობიანი მოსახლეობის მკვლელობა, საცხოვრებელი შენობების დაბომბვა და დაწვა, ტყვეობა, წამება და ადამიანების მარნებში გამოკეტვა საკვებისა და წყლის გარეშე, ქურდობა და ა.შ. ამასთან, უსაფრთხოების სამსახურმა დაადგინა, რომ კიევის რეგიონის დროებითი ოკუპაციის დროს, დამპყრობლები შეიჭრნენ სოფელ მოტიჟინის წინამძღვრის სახლში. ქალი და მისი ახლობლები დროებით ბაზაზე გადაიყვანეს. ოჯახი აწამეს უკრაინის შეიარაღებული ძალების და ტერობორონის მებრძოლების ადგილმდებარეობის შესახებ ინფორმაციის მოპოვების მცდელობისას. ჯალათები შვილს დედის თვალწინ სასტიკად დასცინოდნენ, ფეხში ესროლეს. მაგრამ ინფორმაციის მიღების გარეშე, თავში გასროლით მოკლეს. აწამეს უფროსის ქმარიც. მრავლობითი ცეცხლსასროლი ჭრილობის შედეგად მთელი ოჯახი დაიღუპა. გარდა ამისა, რუსეთის ფედერაციის 37-ე ცალკეული მოტომსროლელი ბრიგადის 36-ე გაერთიანებული არმიის მეთაურის ბრძანებით, დამპყრობლებმა მოკლეს კიდევ ერთი მშვიდობიანი ქალი. სიკვდილით დასჯის მიზეზი მისი მუქი ტანსაცმელი გახდა. მოკლული ჯარისკაცის მამა ტყვედ აიყვანეს და შებოჭილი ყავდათ. ე.წ „განმათავისუფლებლებმა" ასევე დააკავეს ორი მოხალისე, რომლებიც ჰუმანიტარულ დახმარებას უწევდნენ მოტიჟინის მაცხოვრებლებს. დაკითხვისა და წამების შემდეგ, წაიყვანეს ტყეში გაიყვანეს, გაქცევა უბრძანეს და ცეცხლი გაუხსნეს. ერთ-ერთი მოხალისე თავის არეში გასროლით გარდაიცვალა, მეორე კი მძიმედ დაიჭრა. საზოგადოებრივი ორგანიზაცია „პატრიოტის“ ორი წევრის გარდაცვალება დოკუმენტირებულია. გამომძიებლებმა დაადგინეს, რომ ისინი აწამეს და სიკვდილის შემდეგ რაშისტებმა დახვრიტეს მათი სხეულები. რუსმა ჯარისკაცებმა კიდევ ერთ მოქალაქეს ხელები შეუხვიეს და კვადროციკლზე მიაბეს, რის გამოც გარკვეული პერიოდის განმავლობაში სირბილი აიძულეს. დაკითხვების, მოკვლის მუქარისა და ცემის შემდეგ რამდენიმე დღე კანალიზაციის ორმოში გაატარებინეს. უსაფრთხოების სამსახურმა განაცხადა, რომ ოკუპანტების ეს არაადამინაური მოპყრობა, უკრაინის სისხლის სამართლის კოდექსის 438 მუხლის ომის კანონებისა და ჩვეულებების დარღვევა. სისხლის სამართლის საქმეზე უკრაინის უსაფრთხოების სამსახურისა და პროკურატურის წინასწარი გამოძიება გრძელდება. შეგახსენებთ, რომ მანამდე კიევის სოლომენსკის სასამართლომ განაჩენი გამოუცხადა რუს სამხედრო ვადიმ შიშიმარინს უკრაინის წინააღმდეგ ჩადენილი დანაშაულისთვის. ეს არის პირველი ასეთი განაჩენი უკრაინის წინააღმდეგ რუსეთის სრულმასშტაბიანი ომის დაწყების შემდეგ. ავტორი: თეონა დორეული, ექსპრესნიუსის რეპორტიორი 2018 წლიდან სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას
სუს-ი - რუსეთის საოკუპაციო ძალების მიერ უკანონოდ დაკავებული საქართველოს სამი მოქალაქე თავისუფალია
საქართველოს ეროვნულმა კინოცენტრმა თბილისის საერთაშორისო კინოფესტივალს დაფინანსება შეუწყვიტა
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|