კიევის სოლომენსკის სასამართლომ ტყვე რუს სერჟანტ ვადიმ შიშიმარინს, რომელსაც ბრალად აქვს წაყენებული სუმის რეგიონში მშვიდობიანი მოქალაქის მკვლელობა, სამუდამო პატიმრობა მიუსაჯა.

სასამართლომ შიშიმარინი დამნაშავედ ცნო და სამუდამო პატიმრობა მიუსაჯა, იუწყება BBC-ის კორესპონდენტი სასამართლოდან.

21 წლის შიშიმარინი პირველი რუსი ჯარისკაცია, რომელსაც უკრაინაში შეჭრის შემდეგ ომის დანაშაულის ბრალდებით სასამართლო განიხილავენ. შიშიმარინს ბრალად ედებოდა სოფელ ჩუპახოვკაში მცხოვრები 62 წლის ალექსანდრე შელიპოვის მკვლელობა. უკვე პირველ სასამართლო სხდომაზე სერჟანტმა დანაშაული აღიარა.

28 თებერვალს მომხდარი მოვლენები, პროკურატურის თქმით, ასე განვითარდა: სოფელ გრინჩენკოვედან არც თუ ისე შორს, უკრაინელმა სამხედროებმა გაანადგურეს კოლონა, რომელშიც შიშიმარინი იმყოფებოდა, რის შემდეგაც მან და კიდევ ოთხმა რუსმა სამხედრომ ადგილობრივს მანქანა წაართვეს. 
გზად ოკუპანტებმა დაინახეს შელიპოვი, რომელიც ტელეფონზე საუბრობდა და სამხედრო მეთაურმა, გვარად პუფაკოვმა, შიშიმარინს უბრძანა, მოეკლათ მამაკაცი, რათა მას უკრაინელი ჯარისკაცებისთვის არ ეცნობებინა, არ ეცნობებია მათი ადგილსამყოფელის შესახებ. შიშიმარინმა უკრაინის მშვიდობიან მოქალაქეს ავტომატიდან რამდენიმეჯერ ესროლა, შელიპოვი სახლიდან რამდენიმე ათეულ მეტრში თავში მიყენებული ტყვიით გარდაიცვალა.

უკვე შელიპოვის მკვლელობის შემდეგ, შიშიმარინის მანქანას ცეცხლი გაუხსნეს და მალე მან და სამმა სამხედრომ გადაწყვიტეს დანებება.

ავტორი: ექსპრესნიუსი,

სოციალური ქსელები

პროკურატურა - როინ შავაძის უკანონო დაკავებაში თანამონაწილეობის ფაქტზე, კიდევ ერთი პირის მიმართ სისხლისსამართლებრივი დევნა დავიწყეთ

„საქართველოს ბანკის“ მხარდაჭერით G&A ჯგუფი საწარმოო ხაზსა და სიმძლავრეებს აფართოებს

ოთარ შამუგიამ ახალი პროექტის „ინკლუზიური სოფლის განვითარება და მდგრადი სოფლის მეურნეობა“ შეთანხმების დოკუმენტს მოაწერა ხელი

პატელი - კანონპროექტის შინაარსი წარმოუდგენლად შემაშფოთებელია - ასეთი კანონმდებლობა ევროკავშირის მიზნებთან შეუსაბამოა