2022-05-12 13:07:25, 1625 ნახვა
ომი უკრაინაში
აზოვსტალის ქარხნაში, ოკუპანტების ჩამოგდებულ ბომბს, 27 წლის ქართველი მებრძოლი ემსხვერპლა
უკრაინაში, აზოვსტალის ქარხნაში კიდევ ერთი ქართველი სამხედრო დაიღუპა. გავრცელებული ინფორმაციით, 27 წლის ტატო ბიგვავა რუსი ოკუპანტებს მიერ ჩამოგდებულ კასეტურ ბომბს ემსხვერპლა.
როგორც ქართველი მებრძოლის მამა "მთავარ არხთან" საუბრისას ამბობს, რომ მასთან ბოლო კომუნიკაცია 7 მაისს ჰქონდა.
ტატო ბიგვავა აზოვის პოლკის მეორე ასეულს ხელმძღვანელობდა. უკრაინის სამხედრო აკადემიის დამთავრების შემდეგ, ის ბატალიონში 2014 წლიდან ირიცხებოდა და დაახლოებით ერთი თვის წინ, უკრაინის პრეზიდენტმა ვოლოდიმირ ზელენსკიმ სიმამაცის ორდენით დააჯილდოვა.
ბიგვავას ოჯახი სოხუმიდან დევნილია. ისინი უკრაინის მოქალაქეები არიან. ცხოვრობდნენ დნეპროპეტროვსკში, თუმცა ოკუპანტებმა ომის დროს, მათი სახლიც გაანადგურეს.
ავტორი: ექსპრესნიუსი,
epn.ge (@expressnews.ge)
