იმის გამო, რომ კონფლიქტი რუსეთის ომამდელ მოლოდინს მიღმა გრძელდება, მათი საბრძოლო მასალის მარაგი სავარაუდოდ ამოიწურა, - ამის შესახებ ინფორმაციას დიდი ბრიტანეთის დაზვერვა ავრცელებს.

ბრიტანეთის დაზვერვის ინფორმაციით, აღნიშნულმა რუსეთი აიძულა ადვილად ხელმისაწვდომი, მაგრამ დაძველებული საბრძოლო მასალის გამოყენება, რომლიც ნაკლებად საიმედო, ზუსტი და ადვილად დასაჭერია.

„რუსეთი, სავარაუდოდ, იბრძვის იმ ზუსტი იარაღის შესაცვლელად, რომელიც უკვე დახარჯა,“- აღნიშნავენ სადაზვერვო სამსახურში.

გარდა ამისა,დაზვერვის ანგარიშში აღნიშნულია, რომ რუსეთის უკრაინაში შეჭრამ სამხედრო ძალების მხრიდან ფართომასშტაბიანი და ზუსტი დარტყმების განხორციელების მცდელობებში ნაკლოვანებები გამოავლინა. ოკუპანტები უკრაინის ქალაქებს ინტენსიურად ბომბავენ და მცირედ ან საერთოდ არ ითვალისწინებს მშვიდობიანი მოსახლეობის მსხვერპლს.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს