ბერლინში, 9 მაისს, ხელისუფლებამ მეორე მსოფლიო ომში გამარჯვების 77 წლისთავისადმი მიძღვნილ აქციებზე რუსეთისა და უკრაინის დროშებისა და ნებისმიერი სხვა სიმბოლოს მიტანა აკრძალა. აღნიშნულის შესახებ ინფრომაციას გერმანიის ხელისუფლება ავრცელებს.

ხელისუფლებამ გადაწყვეტილება თემის სენსიტიურობიდან გამომდინარე და პროვოკაციების თავიდან აცილების მიზნით მიიღო.

აკრძალვა წმინდა გიორგის ლენტებსა და სხვა სიმბოლოებს, მათ შორის ასოებს „Z“ და „V“ ეხება, რომლებსაც კრემლი და რუსული ჯარები უკრაინაში სამხედრო შეჭრის დროს იყენებდნენ.

„ხსოვნის აქტი, ისევე როგორც მემორიალებისა და ძეგლების პატივისცემა, დაცული უნდა იყოს რუსეთის ამჟამინდელი აგრესიული ომის ფონზე უკრაინაში. ომმა არ უნდა გამოიწვიოს კონფლიქტები ან დავები ბერლინში, რომელიც სცილდება დემოკრატიულ დისკურსს", - ნათქვამია ბერლინში.

უკრაინის ელჩმა გერმანიაში ანდრეი მელნიკმა ბერლინის ამ გადაწყვეტილებას „უზარმაზარი სკანდალი" და "პოლიტიკური კატასტროფა" უწოდა და მისი გაუქმება მოითხოვა.

„შოკირებული ვართ, რომ ბერლინის პოლიციამ 8 და 9 მაისს აკრძალა უკრაინასთან დაკავშირებული დროშები. ეს არის უკრაინის პირისპირ და უკრაინელი ხალხისთვის სახეში გაწნული სილა“, - განაცხადა უკრაინელმა დიპლომატმა.

შეგახსენებთ, რომ მანამდე გავრცელებული ინფორმაციით, რუსი სამხედროები, რომლებიც უკრაინაში შეჭრაში მონაწილეობდნენ, წითელ მოედანზე 9 მაისის აღლუმში მონაწილეობის მიღებას აპირებენ.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს