უკრაინის გენერალურმა პროკურატურამ რუსეთის უშიშროების საბჭოს თავმჯდომარის მოადგილე დიმიტრი მედვედევი,  თავდაცვის მინისტრი სერგეი შოიგუ და დუმის სპიკერი ვიაჩესლავ ვოლოდინი დაკითხვაზე დაიბარა. ამის შესახებ ინფორმაცია გენერალური პროკურატურის ოფიციალურ ვებგვერდზეა ხელმისაწვდომი.

ოქმის მიხედვით, რუსეთის უსაფრთხოების საბჭოს წევრები უკრაინის პროკურატურაში 16, 17 და 18 მაისს უნდა გამოცხადნენ.

"დაკითხვაზე დაბარებული არიან ФСБ-ს დირექტორი, ალექსანდრ ბორტნიკოვი, სადაზვერვო სამსახურის უფროსი, სერგეი ნარიშკინი, შს მინისტრი, ვლადიმირ კოლოკოლცევი, როსგვარდიის ხელმძღვანელი, ვიქტორ ზოლოტოვი,"- წერს უკრაინული მედია.

შეგახსენებთ, რომ  უკრაინის პროკურატურამ  სახელმწიფო კორპორაცია „როსკოსმოსის“ გენერალურ დირექტორს დიმიტრი როგოზინს უკრაინის ტერიტორიული მთლიანობის ხელყოფისა და აგრესიული ომის წარმოებაში დახმარების მუხლებით დაუსწრებლად წაუყენა ბრალი .სისხლის სამართლის საქმე ასევე აღიძრა, რუსეთის საგარეო საქმეთა სამინისტროს სპიკერის, მარია ზახაროვას წინააღმდეგ. 

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს