რუსეთის თავდაცვის სამინისტრომ განაცხადა, რომ რუსეთს კრამატორსკზე სარაკეტო შეტევა არ განუხორციელებია.

„კიევის ნაციონალისტური რეჟიმის წარმომადგენლების ყველა განცხადება 8 აპრილს რუსეთის სავარაუდო „სარაკეტო თავდასხმის“ შესახებ ქალაქ კრამატორსკში რკინიგზის სადგურზე არის პროვოკაცია და აბსოლუტურად არ შეესაბამება სიმართლეს, რუსეთის შეიარაღებულ ძალებს 8 აპრილს ქალაქ კრამატორსკში საცეცხლე მისიები არ ჰქონიათ და არც იყო დაგეგმილი“, - აცხადებენ თავდაცვის სამინისტროში.

მათი თქმით, ტოჩკა-უ რაკეტებს, „რომლის ფრაგმენტები კრამატორსკის რკინიგზის სადგურთან იპოვეს და თვითმხილველებმა გამოაქვეყნეს“, გამოიყენება მხოლოდ უკრაინის შეიარაღებული ძალების მიერ.

თუმცა, არსებობს მტკიცებულება, რომ ტოჩკა-უ რაკეტა შეიძლება დარჩეს რუსეთში ექსპლუატაციაში - ჯერ კიდევ 6 მარტს, კონფლიქტის დაზვერვის საგამოძიებო ჯგუფმა მიუთითა, რომ რაკეტა აგრძელებს სამსახურს რუსეთის არმიაში, მიუხედავად იმისა, რომ უმეტესობა რაკეტები შეიცვალა უფრო თანამედროვე "ისკანდერებით".
კრამატორსკში დაღუპულთა რიცხვი 39-მდე გაიზარდა. მათგან ოთხი ბავშვია - ამის შესახებ, BBC იუწყება.

კრამატორსკის მერი ალექსანდრე გონჩარენკო ამბობს: "ბევრი მძიმე [პაციენტები] არიან, ხელ-ფეხის გარეშე. მათ ოპერაციას ერთდროულად 30-40 ქირურგი უტარებს".  მისი თქმით, სადგურზე ევაკუაციას 4000-მდე ადამიანი ელოდა.

ამასთან, უკრაინის უშიშროების სამსახურმა აღძრა სისხლის სამართლის საქმე „ომის კანონებისა და წეს-ჩვეულებების დარღვევა“ მუხლით. ის ითვალისწინებს უვადო თავისუფლების აღკვეთას.

უკრაინის პრეზიდენტმა ვოლოდიმირ ზელენსკიმ განაცხადა, რომ კრამატორსკის რკინიგზის სადგურზე თავდასხმა ტოჩკა-უ-მ განახორციელა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს