კრამატორსკში დაღუპულთა რიცხვი 39-მდე გაიზარდა. მათგან ოთხი ბავშვია - ამის შესახებ, BBC იუწყება.

კრამატორსკის მერი ალექსანდრე გონჩარენკო ამბობს: "ბევრი მძიმე [პაციენტები] არიან, ხელ-ფეხის გარეშე. მათ ოპერაციას ერთდროულად 30-40 ქირურგი უტარებს".  მისი თქმით, სადგურზე ევაკუაციას 4000-მდე ადამიანი ელოდა.

ამასთან, უკრაინის უშიშროების სამსახურმა აღძრა სისხლის სამართლის საქმე „ომის კანონებისა და წეს-ჩვეულებების დარღვევა“ მუხლით. ის ითვალისწინებს უვადო თავისუფლების აღკვეთას.

უკრაინის პრეზიდენტმა ვოლოდიმირ ზელენსკიმ განაცხადა, რომ კრამატორსკის რკინიგზის სადგურზე თავდასხმა ტოჩკა-უ-მ განახორციელა.

"რუსი მონსტრები არ ტოვებენ თავიანთ სასტიკ მეთოდებს. ვერ ახერხებენ წინააღმდეგობის გაწევას ბრძოლის ველზე, ცინიკურად ანადგურებენ მშვიდობიან მოსახლეობას", - წერს უკრაინის პრეზიდენტი.

უკრაინის ხელისუფლების ინფორმაციით, იმ მომენტში ათასობით ადამიანი იყო ევაკუაციის მსურველი, ისინი სადგურზე და ბაქანებზე იმყოფებოდნენ.

ავტორი: ექსპრესნიუსი,

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ