2022-02-28 10:50:53, 439 ნახვა
მსოფლიო
ლუგანსკის ქალაქი სჩასტიე ოკუპანტებმა 80%-ით გაანადგურეს, მოსახლეობის ევაკუაცია შეუძლებელია
ლუგანსკის რაიონის ქალაქი სჩასტიე რუსმა ოკუპანტებმა 80%-ით გაანადგურეს, მოსახლეობის ევაკუაცია შეუძლებელია, რადგან ავტობუსებს „გრადები“ ესროლეს, - ამის შესახებ ინფორმაციას „უნიანი“ სამხარეო სახელმწიფო ადმინისტრაციაზე დაყრდნობით წერს.
როგორც ქალაქის წარმომადგენელი, სერგეი გაიდაი აცხადებს, ასეთი განადგურება 2014-2015 წლებშიც არ მომხდარა.
„ჩვენ არ შეგვიძლია ხალხის გაყვანა - ტრანსპორტს „გრადებს“ ესწორდნენ“, - წერს გაიდაი.
მანვე დასძინა, რომ ხალხს სურს ადგილის დატოვება, თუმცა ეს შეუძლებელია.
„მე ვესაუბრე გაეროს კოორდინატორს და შევთანხმდით, რომ თუკი რაიმე შესაძლებლობა გაჩნდება ევაკუაციასთან დაკავშირებით, ამას აუცილებლად გავაკეთებთ“, - დასძინა მან.
ავტორი: ექსპრესნიუსი,
epn.ge (@expressnews.ge)
