2022-02-27 23:37:19, 781 ნახვა
მსოფლიო
რუსეთის თავდაცვის სამინისტრომ აღიარა, რომ მათ სამხედროებს შორის არიან დაჭრილები და დაღუპულები
რუსეთის თავდაცვის სამინისტრომ უკრაინაში საბრძოლო მოქმედებების დროს რუსულ ძალებს შორის დაშავებულებსა და დაღუპულებს შორის ინფორმაცია პირველად აღიარა.
მიუხედავად აღიარებისა, თავდაცვის უწყებაში არ დააკონკრეტეს, რამდენი სამხედროა დაღუპული და დაშავებული.
„რუსეთის შეიარაღებული ძალების დანაკარგი რამდენჯერმე მცირეა, ვიდრე განადგურებული ნაციონალისტების რიცხვი", - აცხადებენ რუსეთის თავდაცვის უწყებაში.
ცნობისთვის, უკრაინული მხარე აცხადებს, რომ მათი შეიარაღებული ფორმირებების მიერ რუსეთის არმიის 4 300-მდე სამხედროა განადგურებული.
ავტორი: ექსპრესნიუსი,
epn.ge (@expressnews.ge)
