კიევში დღეიდან კომენდანტის საათი წესდება, რომელიც 22:00-დან 07:00 საათამდე იმოქმედებს. ამის შესახებ გადაწყვეტილება ქალაქის მერმა, ვიტალი კლიჩკომ  მოსახლეობის უსაფრთხოებიდან გამომდინარე მიიღო.

"მეგობრებო! კიევში დღეიდან კომენდანტის საათი წესდება. ის 22:00-დან 07:00 საათამდე იმოქმედებს. ეს იძულებითი ნაბიჯია, მაგრამ სამხედრო აგრესიისა და საომარი მდგომარეობის პირობებში, დედაქალაქის მოსახლეობის უსაფრთხოებისთვის, აუცილებელია.

კომენდანტის საათის დროს არ იმუშავებს საზოგადოებრივი ტრანსპორტი. მეტროსადგურები კი ამ დროის განმავლობაში თავშესაფრებად იქნება ხელმისაწვდომი.

თხოვნაა ყველა ადგილობრივისთვის, დროულად დაბრუნდნენ სახლში. თუ კომენდანტის საათის დროს ქალაქში გადაადგილება აუცილებელი იქნება, აუცილებლად თან იქონიეთ პირადობის დამადასტურებელი მოწმობა, - განაცხადა კიევის მერმა. 

ცნობისთვის, რუსეთის პრეზიდენტმა ვლადიმერ პუტინმა დღეს დონბასში სამხედრო ოპერაციის დაწყების შესახებ განაცხადა. უკრაინის რამდენიმე ქალაქში აფეთქების ხმა ისმის. უკრაინის პრეზიდენტმა, ვლადიმირ ზელენსკიმ უკრაინაში საომარი მდგომარეობა გამოაცხადა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს