2022-02-24 16:00:16, 571 ნახვა
მსოფლიო
უკრაინის სახელმწიფო საზღვრის დაცვის სამსახური - რუსული ჯავშანტექნიკა კიევის ოლქში შეიჭრა
რუსული ჯავშანტექნიკა კიევის ოლქში შეიჭრა. ამის შესახებ ინფორმაციას უკრაინის სახელმწიფო საზღვრის დაცვის სამსახური ავრცელებს.
მათივე ცნობით, რუსული ბატალიონი ოლქში სახელმწიფო საზღვრის გავლით, ვილჩას სასაზღვრო პუნქტის გარღვევით შევიდა.
გარდა ამისა, სახელმწიფო საზღვრის დაცვის სამსახურის მიერ გავრცელებულ განცხადებაში აღნიშნულია, რომ უკრაინელი სამხედროები თავდამსხმელებს წინააღმდეგობას უწევენ.
ცნობისთვის, რუსეთის პრეზიდენტმა ვლადიმერ პუტინმა დონბასში სამხედრო ოპერაციის დაწყების შესახებ განაცხადა. უკრაინის რამდენიმე ქალაქში აფეთქების ხმა ისმის. უკრაინის პრეზიდენტმა, ვლადიმირ ზელენსკიმ უკრაინაში საომარი მდგომარეობა გამოაცხადა
ავტორი: ექსპრესნიუსი,
epn.ge (@expressnews.ge)
