ნატო-მ და აშშ-მა ცუდად აითვისეს გაკვეთილი, რომელიც რუსეთმა ასწავლა მათ სამხრეთ ოსეთისა და აფხაზეთის დამოუკიდებლობის აღიარებით, - ამის შესახებ უშიშროების საბჭოს თავმჯდომარის მოადგილემ, დიმიტრი მედვედევმა ჟურნალისტებთან საუბრისას განაცხადა.

მედვედევმა აღნიშნა, რომ 2008 წელს სამხრეთ ოსეთისა და აფხაზეთის „დამოუკიდებლობის“ აღიარებით, რთული გადაწყვეტილების მიღება მოუწია.

„2008 წელს სამხრეთ ოსეთისა და აფხაზეთის დამოუკიდებლობის აღიარებით რთული გადაწყვეტილების მიღება მომწია. სამხედრო ძალისა და პოლიტიკური ნების გამოყენებით, რუსეთი დახეხმარა ასობით ათას ადამიანს სიცოცხლის შენარჩუნებაში და მან გაკვეთილი ასწავლა ნატო-ს, აშშ-ს, ყველას, ვისაც ჰქონდა აგრესიული განზრახვები რუსეთის მოქალაქეების წინააღმდეგ. თუმცა, ნატო-ში ეს ცუდად აითვისეს და განაგრძეს ცინიკურად და უცერემონიოდ რუსეთის საზღვრებთან მიახლოვება, ალიანსის პოტენციური წევრების წრის გაფართოებით“, - განაცხადა დიმიტრი მედვედევმა.

რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ რესპუბლიკების დამოუკიდებლობა აღიარა

„მივიღე გადაუდებელი გადაწყვეტილება, რომელიც დიდი ხნის წინ მომწიფთა, ვაღიარო დონეცკისა და ლუგანსკის დამოუკიდებლობა. ვთხოვ, ფედერაციის საბჭოს სასწრაფოდ მოახდინოს ამ გადაწყვეტილების რატიფიცირება", - განაცხადა ვლადიმერ პუტინმა.

შეგახსენებთ, რომ რუსეთის დუმამ ე.წ დონეცკისა და ლუგანსკის სახალხო რესპუბლიკების აღიარების მოთხოვნით პუტინს 15 თებერვალს მიმართა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს