ნატოს გენერალურმა მდივანმა იენს სტოლტენბერგმა ტელეარხ ARD-თან ინტერვიუში განაცხადა, რომ რუსეთი ძაბავს სიტუაციას დონბასში, რათა შექმნას საბაბი შეტევისთვის უკრაინაზე. მისი თქმით, ომის რისკი რჩება "ძალიან, ძალიან მაღალი".
 სტოლტენბერგმა შეჭრისთვის მომზადების ნიშნების, ცეცხლის შეწყვეტის დარღვევას უწოდა, გენმდივანისთვის საგანგაშოა „ცრუ ბრალდებები“ თვითგამოცხადებული დონეცკის და ლუგანსკის ე.წ რესპუბლიკების მაცხოვრებლების გენოციდის შესახებ.  მისი თქმით, უკრაინის საზღვრიდან რუსული ჯარები არ გაჰყავთ, „პირიქით, ახლები შემოდიან“.
ამასთან, ნატოს ხელმძღვანელმა აღნიშნა, რომ დეესკალაციის ალბათობა კვლავ არსებობს - მისი აზრით, სანქციების ზეწოლას შეუძლია ხელი შეუწყოს ამას.
"ჩვენ გვინდა ვაიძულოთ რუსეთი შეცვალოს კურსი და დაჯდეს ჩვენთან მოლაპარაკების მაგიდასთან“, - განაცხადა სტოლტენბერგმა.
ნატოს გენერალურმა მდივანმა ასევე აღნიშნა, რომ ნატოს ქვეყნებს არ გადაუწყვეტიათ ალიანსის გაფართოება. მანამდე მსგავს ღონისძიებას რუსეთი უსაფრთხოების გარანტიების შესახებ შეთანხმების ფარგლებში ითხოვდა. რუსული მხარე თვლის, რომ ნატომ უნდა მიატოვოს აღმოსავლეთით გაფართოება უკრაინისა და საქართველოს ხარჯზე და დაუბრუნდეს 1997 წლის მდგომარეობას (ამ მომენტიდან ალიანსს 14 ქვეყანა შეუერთდა).

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს