2022-02-19 11:13:21, 699 ნახვა
მსოფლიო
უკრაინის თავდაცვა დონეცკის მოსახლეობას - თავი შეიკავეთ გადაადგილებისგან, რადგან რუსეთმა ობიექტები დანაღმა
უკრაინის თავდაცვის სამინისტრო დონეცკის მოსახლეობას მოუწოდებს, არ დატოვონ სახლები და არ ისარგებლონ საზოგადოებრივი ტრანსპორტით, რადგან რუსულმა სპეცსამსახურებმა სოციალური ინფრასტრუქტურის ობიექტები დანაღმეს. - ამის შესახებ ინფორმაცია უწყებამ Twitter-ზე გაავრცელა.
უწყების ცნობით, სოციალური ინფრასტრუქტურის ობიექტების დანაღმვის შესახებ ინფორმაცია უკრაინის სამხედრო დაზვერვამ მოიპოვა.
„ეს მიზნად ისახავს ჩვენი სახელმწიფოს დროებით ოკუპირებულ ტერიტორიებზე სიტუაციის დესტაბილიზაციას და ქმნის საფუძველს უკრაინის ტერორისტულ თავდასხმებში დადანაშაულებისთვის. - ნათქვამია სამინისტროს განცხადებაში.
ავტორი: ექსპრესნიუსი,
epn.ge (@expressnews.ge)
