უკრაინის პრეზიდენტი ვლადიმერ ზელენსკი რუსეთის თავდაცვის სამინისტროს განცხადებას ეხმაურება, რომლის მიხედვითაც, რუსეთის ჯარების ნაწილი უკრაინის საზღვრის დატოვებას იწყებს. 

როგორც ვლადიმერ ზელენსკიმ BBC-სთან ინტერვიუში აღნიშნა, უკრაინა ჯერჯერობით ვერ ხედავს რუსეთის მხრიდან ჯარების გაყვანას და ამის შესახებ, მხოლოდ ესმის. 

„სიმართლე გითხრათ, ჩვენ ვრეაგირებთ რეალობაზე, რაც არის და ჯერჯერობით, ვერ ვხედავთ ჯარების გაყვანას, ჩვენ მხოლოდ გვემის ამის შესახებ", - განაცხადა უკრაინის პრეზიდენტმა. 

გარდა ამისა, უკრაინის პრეზიდენტმა კიდევ ერთხელ გაუსვა ხაზი, რომ ნებისმიერ მუქარაზე უკრაინის მხრიდან მშვიდი რეაგირებაა და ყველა ნორმალური ადამიანი, დეესკალაციის მოლოდინშია. 

„მე არაერთხელ მითქვამს, რომ ნებისმიერ მუქარაზე მშვიდად ვართ, რადგან ჩვენ გვახსოვს, რომ ეს ყველაფერი გუშინ დაწყებული არაა და უკვე მრავალი წელია გრძელდება", - დასძინა პრეზიდენტმა. 

ცნობისთვის, დღეს რუსეთის თავდაცვის უწყებაში განაცხადეს, რომ ყირიმში სამხედრო წვრთნები დასრულდა და ჯარისკაცები მუდმივი დისლოკაციის ადგილს უბრუნდებიან. ამასთანავე, გუშინ რუსეთის თავდაცვის სამინისტრომ გაავრცელა ინფორმაცია, რომ ქვეყნის სამხრეთისა და დასავლეთის სამხედრო ოლქების ქვედანაყოფები მუდმივი განლაგების ადგილზე, უკრაინის საზღვართან სწავლების სერიის დასრულების შემდეგ, ბრუნდებიან. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს