რუსეთის სამხრეთ და დასავლეთის სამხედრო ოლქების ქვედანაყოფები დღეს დაიწყებენ დაბრუნებას მუდმივი განლაგების ადგილებზე უკრაინის საზღვართან „სწავლების სერიის“ დასრულების შემდეგ, - ამის შესახებ  ინტერფაქსი იუწყება თავდაცვის სამინისტროს განცხადებაზე დაყრდნობით.

„სამხრეთის და დასავლეთის სამხედრო ოლქების ქვედანაყოფებმა, დავალებების შესრულების შემდეგ, უკვე დაიწყეს სარკინიგზო და საავტომობილო ტრანსპორტის დატვირთვა და დღესვე დაიწყებენ მოძრაობას სამხედრო გარნიზონებში. ცალკეული ქვედანაყოფები სამხედრო კოლონების შემადგენლობაში საკუთარ მსვლელობას განახორციელებენ“, - განაცხადა თავდაცვის სამინისტროს წარმომადგენელმა იგორ კონაშენკოვმა, იუწყება "რია ნოვოსტი".

რომელი სავარჯიშოების დასრულებაზეა საუბარი, არ არის მითითებული. 10-20 თებერვალს ბელორუსის ტერიტორიაზე ერთობლივი წვრთნები „Allied Resolve“ გამოცხადდა. თავდაცვის სამინისტრო ასევე გეგმავდა 13-დან 19 თებერვლამდე შავ ზღვაში საზღვაო მანევრების ჩატარებას, ამის გამო რუსეთმა შავი და აზოვის ზღვების ზოგიერთი მონაკვეთი ნაოსნობისთვის საშიშად გამოაცხადა.

”რუსეთის ფედერაციის შეიარაღებულ ძალებში გრძელდება ფართომასშტაბიანი ღონისძიებების კომპლექსი ჯარების და ძალების ოპერატიული მომზადებისთვის. მათში თითქმის ყველა სამხედრო ოლქი, ფლოტი და საჰაერო სადესანტო ძალები მონაწილეობენ“, - განაცხადა კონაშენკოვმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს