2022-02-15 10:10:01, 557 ნახვა
მსოფლიო
ვლადიმერ ზელენსკი - გვეუბნებიან, რომ 16 თებერვალი იქნება თავდასხმის დღე, თუმცა ჩვენ ვაქცევთ ერთიანობის დღედ
უკრაინის პრეზიდენტმა ვოლოდიმირ ზელენსკიმ 16 თებერვალი ერთიანობის დღედ გამოაცხადა. ამის შესახებ მან გავრცელებულ ვიდეომიმართვაში განაცხადა:
მისივე თქმით, უკრაინა ერთიანია და ბრძოლისთვის მზად არის.
"ჩვენ გვეუბნებიან, რომ 16 თებერვალი თავდასხმის დღე იქნება. ჩვენ მას ერთიანობის დღედ ვაქცევთ. შესაბამისი განკარგულება უკვე ხელმოწერილია. ამ დღეს გამოვფენთ ეროვნულ დროშებს, გავიკეთებთ ლურჯ-ყვითელ ლენტებს და მთელ მსოფლიოს ვაჩვენებთ ჩვენს ერთიანობას. ჩვენ გვსურს თავისუფლება და მზად ვართ, ამისთვის ვიბრძოლოთ!..
ჩვენ გვყავს მშვენიერი არმია, ჩვენს ბიჭებს აქვთ უნიკალური საბრძოლო გამოცდილება და თანამედროვე იარაღი, ეს უკვე ბევრად ძლიერი არმიაა, ვიდრე რვა წლის წინ იყო." - განაცხადა უკრაინის პრეზიდენტმა.
ავტორი: ექსპრესნიუსი,
epn.ge (@expressnews.ge)
