2022-02-14 13:15:49, 787 ნახვა
მსოფლიო
უკრაინის ელჩი დიდ ბრიტანეთში - კიევმა შესაძლოა, უარი თქვას ნატო-ში გაწევრიანებაზე
დიდ ბრიტანეთში უკრაინის ელჩმა, ვადიმ პრისტაიკომ განაცხადა, რომ უკრაინამ შესაძლოა უარი თქვას ნატო-ში გაწევრიანებაზე.
აღნიშნულის შესახებ ელჩმა BBC-ს რადიო ეთერში განაცხადა და მიზეზად, „ომის თავიდან აცილება“ დაასახელა.
„ჩვენ მოქნილები ვართ, ვცდილობთ ვიპოვოთ პრობლემის გადაჭრის საუკეთესო გზა. თუ სერიოზული დათმობები მოგვიწია, ეს არის ის, რისი გაკეთებაც შეგვიძლია“, - უპასუხა ელჩმა ჟურნალისტის შეკითხვას, აპირებს თუ არა უკრაინის ხელისუფლება ამ იდეის მიტოვებას.
შეგახსენებთ, რომ რუსეთ-უკრაინას შორის კონფლიქტის დაწყებაზე, ბოლო თვეების განმავლობაში საუბრობენ. მედია წერს, რომ აშშ-ის პრეზიდენტმა ჯო ბაიდენმა ევროპელ ლიდერებს უთხრა, რომ რუსეთი უკრაინაში 16 თებერვალს შეიჭრება.
ავტორი: ექსპრესნიუსი,
epn.ge (@expressnews.ge)
